تحدثت الفنانة غادة إبراهيم عن معاناتها بعد وفاة والدها، وقالت: “مقدرتش بعد وفاة بابا وكنت عايزة أمشي وأهرب من البيت ووافقت بأول جوازة، وكنت عايشة مع أخويا وأختي وعندي أخوات من بابا؛ لأنه كان متجوز 3″، وذلك خلال تصريحات تليفزيونية لها.
وأضافت غادة إبراهيم: “قطعت شراييني بعد وفاة والدي ومقدرتش، وابن عمي جري بيا على المستشفى، ده كفر ومش حاجة حلوة، بس أنا كنت صغيرة مش فاهمة وهانت عليّا نفسي”.
وتابعت: “ماما حادة جدًا ومامتها كانت تركية، وكانت مدلعاني بس مش زي بابا، أنا كنت في حضن بابا ودلع وسفر وكل طلباتي أوامر، لكن ماما مش بتبين حنيتها وحنانها داخلي”.
وأستكملت غادة إبراهيم:” أول عربية ألماني كانت جيبهالي ماما وأنا في ثانوي وكانت طلب خاص ومدلعاني بس مش زي بابا، وأنا مقدرتش وكنت عايزة أهرب”.
وأكدت غادة إبراهيم إلى أنها تكره صفة الكذب في الإنسان، حيث قالت: “اللي بيكذب هيقتل وهيزني وهينصب وهيعمل كل حاجة”.