أبدى أحد عملاء مطاعم ماكدونالدز الشهيرة من سوء الخدمة في الأكل الذي طلبه من المطعم من فرع بجوار الجامعة الامريكية.
وقال «طلبنا اوردر من ماكدونالدز الفرع اللي عند الجامعة الامريكية يوم ١٣/٨ وكان فيه ٢ ساندوتش ماسترد برجر الجديد
فتحنا الساندوتشات لقيناها نيّة زي ماهو باين ف اول صورة.. طلبنا الكول سنتر وبلغونا انه هيبدلوا الاوردر،.. كنا فاكرين ان احنا هناكل احلى ساندوتشات بقى من ماكدونالدز بسبب شكوتنا دي».
وأضاف عبر صفحات التواصل الاجتماعي فيس بوك« واللي حصل ان الساندوتشات الجديدة اللي جت اسوء 100 مرة من الأولانية … اللحمة لونها احمر وريحتها مش حلوة خالص ونيّة اكتر من الاولانية.
وقال: رجعنا كلمنا الكول سنتر تاني اللي فضل يقنعنا انه اللحمة في الساندوتش ده بتبقى عاملة زي لحمة “الكفتة” وهي كدة مستوية .. مش عارفين ايه العلاقة بين الكفتة وبين ان اللحمة تبقى نيّة وريحتها وحشة .. وفضلنا في نقاش طويل ومقاوحة بصراحة ف ان الساندوتش ده طبيعي يكون كدة… وطبعا طلبنا ان الفلوس ترجعلنا وده اللي حصل..، السؤال بقى هو ده منظر ساندوتش طبيعي يخرج من ماكدونالدز؟؟؟ وكل اللي حصل ده طبيعي؟؟
من جانبها ردت الشركة على العميل بتدارك الموقف حيث أوضح العميلة رانيا فريد قائلة « حصل مكالمة من ماكدونالدز للاعتذار عن اللي حصل وطلبت منهم اعرف ايه هيحصل فبلغوني انه هيحصل تحقيق وهيكون فيه تواصل ف خلال ٢٤ ساعة..
وأوضحت العميلة : فعلا النهاردة الصبح كلمني حد من ادارة التشغيل بيعتذر كتير وكان ذوق جدًا وبيعرفني ان التحقيق هيحصل وهيبلغنا باللي هيتم.