أعلنت الفنانة نيللي كريم، عن تفاصيل جديدة عن فيلمها الجديد عالزيرو، الذي تتعاون فيه لأول مرة مع الفنان محمد رمضان، وذلك خلال لقائها في برنامج صباح العربية.
وقالت نيللي كريم: «فيلم عالزيرو مع محمد رمضان، فيلم إنساني جدًا وبيتكلم عن أب ابنه بيمرض بمرض وحش وظروفه المادية وحشة جدًا وبيعمل كل حاجة علشان ينقذ ابنه».
كما تحدثت نيللي كريم، عن إمكانية وصولها للعالمية، معلقة:«الواحد بيستنى العمل المناسب واللي يضيف له مش مجرد إنه يعمل عمل برا، لازم يبقى موضوع حلو وموضوع عالمي، أنا سافرت مهرجانات كتير برا وممكن تطلع من بلدك للعالمية ده شيئ وارد بس المهم إنه يكون موضوع عالمي مش محلي فقط».
وتابعت: «لما عملنا فيلم 678 للمخرج محمد دياب، كان بيتكلم عن التحرش وده موضوع عالمي، واتعرض في بلاد كتير جدًا، وكمان فيلم كلاش، وصل للعالمية».
نيللي كريم في رمضان 2023
وتحدثت نيللي كريم عن شخصيتها التي تجسدها في مسلسلها برمضان 2023، حيث انها تلعب دور امرأة صعيدية لأول مرة خلال مسيرتها الفنية، معلقة:«رمضان المقبل هعمل دور صعيدي لأول مرة واللغة الصعيدية حلوة جدًا وصعبة في نفس الوقت».