علق مؤدي المهرجانات عمر كمال عن سبب تكتمه هوية حبيبته، وإصراره على عدم الكشف عن اسم حبيبته، وأكد أنه قد ارتبط مرة واحدة فقط، وكان على وشك الزواج بنهاية هذا الصيف.
ولكنه انفصل عن خطيبته، مشيراً إلى أنه سيعلن اسم حبيبته قبل الزفاف بأيام فقط؛ حتى لا يدفع ثمن أخطائها على السوشيال ميديا، ويتم الربط بين أي تصرف لها وبين مشواره الفني.
عمر كمال: فرحي كان هيبقى آخر الصيف
وقال عمر كمال في لقاء مع برنامج تفاعلكم على قناة العربية: «مش أي واحدة بظهر معاها في صورة يبقى مرتبط بيها لو كدا يبقى هتجوز الدنيا كلها، وأنا كان ليا تجربة ارتباط من فترة ومحصلش نصيب وفرحي كان هيبقى آخر الصيف دا، وعمري ما هقول اسمها عشان مدفعش فاتورة غلطاتها، وهيقولوا خطيبة عمر كمال عملت كذا وراحت فين».
مضاف عمر كمال: «الحب دا رزق أنا عندي 31 سنة وحبيت مرة واحدة في حياتي، ونفسي ألاقي زوجة صالحة تصوني.. نفسي أفرح.. ولو ارتبطت هقول لأني إنسان صريح ولكن هعلن لما أكون ماسكها وهي جنبي على الكوشة، ومش هغني في فرحي لأني غنيت في أفراح كل الناس وتعبت».
وعن أزمته في حفلته الاخيرة بالمملكة العربية السعودية قال: «مش قصدي أعمل جدل، اللي حصل إني روحت السعودية وهما معروفين بالتمر والحليب والطابع الديني وبهزر مع الناس في الحفلة وبقول ضمن الأغنية:” وأشرب تمور وحليب” والجمهور كان مبسوط ومتفاعل معايا».
مختتم عمر كمال: «الموضوع أتحرف ومعرفش الناس زعلوا ليه.. أنا بعشق السعودية وناسها.. وأنا بقيت أقفل بوقي لأن مهنتي هي إني أعدل مزاج المواطن العادي وأبسط الجمهور بالأغاني».