أعلن مغني المهرجانات عمر كمال عن حقيقة ارتباطه ومواصفات فتاة أحلامه، وذلك من خلال تصريحات تليفزيونية له.
حيث قال: “مش أي واحدة بظهر معاها في صورة يبقى مرتبط بيها لو كدا يبقى هتجوز الدنيا كلها، وأنا كان ليا تجربة ارتباط من فترة ومحصلش نصيب وفرحي كان هيبقى آخر الصيف دا، وعمري ما هقول اسمها عشان مدفعش فاتورة غلطاتها، وهيقولوا خطيبة عمر كمال عملت كذا وراحت فين”.
وأضاف عمر كمال: “الحب دا رزق أنا عندي 31 سنة وحبيت مرة واحدة في حياتي، ونفسي ألاقي زوجة صالحة تصوني.. نفسي أفرح.. ولو ارتبطت هقول لأني إنسان صريح ولكن هعلن لما أكون ماسكها وهي جنبي على الكوشة، ومش هغني في فرحي لأني غنيت في أفراح كل الناس وتعبت”.
وعن أزمته في حفلته الاخيرة بالمملكة العربية السعودية قال: “مش قصدي أعمل جدل، اللي حصل إني روحت السعودية وهما معروفين بالتمر والحليب والطابع الديني وبهزر مع الناس في الحفلة وبقول ضمن الأغنية:” وأشرب تمور وحليب” والجمهور كان مبسوط ومتفاعل معايا”.
وتابع عمر كمال: الموضوع أتحرف ومعرفش الناس زعلوا ليه..أنا بعشق السعودية وناسها.. وأنا بقيت أقفل بوقي لأن مهنتي هي إني أعدل مزاج المواطن العادي وأبسط الجمهور بالأغاني”.