حلّ مطرب المهرجانات عمر كمال ضيفاً ببرنامج تفاعلكم المذاع على فضائية «BBC عربية»، وأدلى عمر كمال بعدد من التصريحات المثيرة للجدل .
وكشف عمر كمال عن الفنان الأكثر نجاحًا فى الوطن العربى قائلاً: «عمرو دياب رقم واحد في الوطن العربي وأى حد غيرى هيقول كده».
وعن تقليده للفنان محمد فؤاد أوضح عمر كمال: «أنا مبقدلش محمد فؤاد ومحدش بيقلد حد وبينجح، أنا اتأثرت به فى فترة معينة وغنيب بنفس الطريقة».
وصرح عمر كمال بأنه مليونير بعد ما سألته المذيعة وأرجع لها السؤال مرة آخرى «المليونير عندكوا من كام» فأجابته من «مليون».
وكانت قد أثارت ندى الكامل؛ طليقة أحمد الفيشاوي الجدل مرة أخرى برسالة للمطرب عمر كمال .
عمر كمال: فرحي كان هيبقى آخر الصيف
وقال عمر كمال في لقاء مع برنامج تفاعلكم على قناة العربية: «مش أي واحدة بظهر معاها في صورة يبقى مرتبط بيها لو كدا يبقى هتجوز الدنيا كلها، وأنا كان ليا تجربة ارتباط من فترة ومحصلش نصيب وفرحي كان هيبقى آخر الصيف دا، وعمري ما هقول اسمها عشان مدفعش فاتورة غلطاتها، وهيقولوا خطيبة عمر كمال عملت كذا وراحت فين».
مضاف عمر كمال: «الحب دا رزق أنا عندي 31 سنة وحبيت مرة واحدة في حياتي، ونفسي ألاقي زوجة صالحة تصوني.. نفسي أفرح.. ولو ارتبطت هقول لأني إنسان صريح ولكن هعلن لما أكون ماسكها وهي جنبي على الكوشة، ومش هغني في فرحي لأني غنيت في أفراح كل الناس وتعبت».
وعن أزمته في حفلته الاخيرة بالمملكة العربية السعودية قال: «مش قصدي أعمل جدل، اللي حصل إني روحت السعودية وهما معروفين بالتمر والحليب والطابع الديني وبهزر مع الناس في الحفلة وبقول ضمن الأغنية:” وأشرب تمور وحليب” والجمهور كان مبسوط ومتفاعل معايا».
مختتم عمر كمال: «الموضوع أتحرف ومعرفش الناس زعلوا ليه.. أنا بعشق السعودية وناسها.. وأنا بقيت أقفل بوقي لأن مهنتي هي إني أعدل مزاج المواطن العادي وأبسط الجمهور بالأغاني».