أعرب مطرب المهرجانات عمر كمال عن استيائه الشديد، وذلك لـ انتقاده البعض بسبب تقديمه الغناء، مشيرًا إلى أن إهانة العديد له تجرحه وتؤذيه.
وذكر عمر كمال في منشور له عبر حسابه الشخصي بموقع التواصل الاجتماعي فيسبوك قائلاً: أنا طلعت لقيت جوايا حب لحاجة أسمها غنا .. سعيت ف السكة ديه وربنا سبب الأسباب والدنيا مشيت معايا و رزقنى من وسع بعد ضيقة و تعب .. ممكن أكون صح و بعمل خير وممكن أكون غلط وهخش النار .. ده موضوع هنعرفه ف الاخرة لما نقف قدام ربنا.
وتابع: أنا لا أخدت رزقك .. ولا سرقتك .. و لا أذيتك .. ولا أنت كنت طالع منحة دراسية بلد أوروبية وأنا طلعت بدالك .. ولا انا أخدت مكانك ف شغل أو مرتب أو ترقية ف أى حاجة .. انا أخترت طريق ومشيت فيه وبس .. فا الدنيا مش مستاهلة أنك تهينى وتشتمنى .. ممكن تتابعني لو شايفنى بقدم حاجة تبسطك وتغير المود بتاعك للأحسن.
وأختتم عمر كمال قائلًا: متابعنيش لو شايفنى مش بقدم أى حاجة مهمة ف الحياة .. بس متأذنيش بكلامك عشان أنا بنى أدم زيك بحس وبزعل وليا أم و أهل أهانتك ليا بتزعلهم .
حمو بيكا يجدد الخلاف مع عمر كمال بـ «فيديو ناري»
من جهة أخرى، أثار مطرب المهرجانات حمو بيكا، الجدل من جديد عبر السوشيل ميديا، بسبب هجوم المتكرر على المطرب عمر كمال، حيث أنه وجه إليه العديد من الاتهامات، من خلال مقطع فيديو نشره عبر حسابه الرسمي بموقع التواصل الاجتماعي “إنستجرام”.
وقال بيكا خلال الفيديو: “سلامو عليكو لكل اصحابي واخواتي وكل الناس اللي مني.. من حوالي شهر كده، عمر كمال جابلي شاعر أسمه “أحمد أوسة”، وقالي ياعم ما تيجي نعمل أغنية جديدة، وانا وافقت وقولتله تمام ياعم، وكتبنا الأغنية وسجلناها، وجاهزة من شهرين أو تلاتة”.
وأردف: “قولتله يلا بينا يا عمر ننزل الأغنية، قالي انا عندي بس أغنية مع شيماء المغربي هنزلها وبعدين هنزل الأغنية بتاعتك، قولتله خلاص تمام، وأجلتها وبعد ما نزلت أغنيته شيرتها وباركتله”.
وأوضح سبب خلافه مع عمر: “واستنيت بعدها حوال 15 أو ٢٠ يوم كده، وكلمته تاني قالي معلش يا حبيبي لما أرجع من السفر هكلمك، بعدها اتفاجئت أنه نزل أغنية جديدة ليه وشيرها على صفحته، وبعدها بشوية الاقيه رافع اغنية تانية”.