تحدث الفنان عمرو يوسف عن تفاصيل مشاركته في مسلسل «وعد إبليس»، الذي يتم عرضه حاليًا، وذلك من خلال مداخلة هاتفية له في برنامج Trending.
أعرب عمرو يوسف عن سعادته بمشاركة الممثلة الأمريكية باولا باتون في المسلسل، معلقًا: «باولا سايبة توم كروز ودنزل واشنطن، وجاية تمثل مع العبد لله، والست اشتغلت مع الهوليوود سوبر ستار، وكنت لسة بستكشف الشخصية هتعامل معاها إزاي خاصة إني أول مرة أقابلها، وهي على المستوى الإنساني بني آدمة جميلة ومتعاونة وبذلت مجهود كبير، وأنا استمتعت بالشغل معاها وفريق العمل كله سعيد بالعمل معاها، ولسة دورها هيوضح في الحلقات اللي جاية أكتر».
عمرو يوسف عن فتحي عبد الوهاب: المسلسل قربنا لبعض
وفي سياق أخر، قال عن تعاونه لأول مرة مع الفنان فتحي عبد الوهاب: «فتحي عبد الوهاب، من الناس اللي اتشرفت وانبسط إننا قربنا من بعض وبقينا أصحاب أكتر من خلال العمل ده، لإنه إنسان مثقف ومتحضر، كنت بستمتع بالشغل معاه والحديث معاه في الكواليس عن شخصياتنا، لدرجة إن وصلنا في مرحلة من التفكير هو غرض الشيطان إيه والإنسان إيه ده كان شغل ممتع جدًا».
وأما عن مشهده مع الفنانة نيللي كريم، قال: «مشهدي مع حبيبتي اللي شرفتنا وأضافت لينا نيللي كريم، في المشهد ده بالتحديد هو إبراهيم مكنش شخصيته التانية، وهو كان بيعافر، وهي كانت عايزاه يستسلم والشيطان كان عايزه يستسلم، والبني آدم طلع القمر، ولو كان استسلم مكنش طلع من الكهف».