حرص الفنان عمرو مصطفى، على الرد على هجوم المطرب تامر عاشور عليه، حيث قال: “يا تامر فيه أغنية عملتها لمصطفى صندل التركي وأنت أخدتها وعملت الأغنية دي وأخدت اللحن والتوزيع الموسيقي ونزلت وكتبت عليها اسم ملحن تاني وأنت المفروض جوا الصناعة، الصناعة اللي بقى كل اللي بينتجوا أغاني بيسرقوا الأغاني والألحان”.
وأضاف خلال لقائه ببرنامج “حبر سري” الذي تقدمه الإعلامية أسما إبراهيم بقناة “القاهرة والناس”: “لسه فيه أغنيتين خدهم مطربين مهرجانات وسرقوهم هل دا مش معناه إن الصناعة اتدمرت”.
ووجه عمرو مصطفى رسالة نارية لتامر عاشور، قائلًا: “مش هعتب عليك يا تامر عاشور إنك أخدت الأغنية بتاعتي، بس أنت مثل من الأمثلة اللي استباحت الجمل اللحنية لأشخاص موجودة وحية وعايشة ومش هرد عليك أكتر من كدا”.
وتابع: “قابلت تامر عاشور قبل كدا وقلت له لما تحب تقول حاجة تعالَ قلها لي وكان ساعتها واقف زي التلميذ ما بيردش، ولما قال عليَّ عمود من أعمدة الصناعة كان المفترض يستأذني قبل لما ياخد أغنيتي وخدها واستبحاها ونشرها على يوتيوب من غير حد ما يستأذني ولا يكتب اسمي”.