هاجم الفنان عمرو مصطفى الفنان رامي صبري مشيرًا أنه قام بسرقة ألحانه، كما تحدث عن مشروعه بـ الذكاء الاصطناعي.
وقال عمرو مصطفى خلال لقائه في برنامج حبر سري والتي تقدمه الإعلامية أسما إبراهيم ويتم عرضه عبر قناة القاهرة والناس: أنا سبت أغنية يمكن خير لرامي صبري بمزاجي ولو عايز أشيله الأغنية من اليوتيوب هشيلها وهي نجحت عشان هي بتاعتي.
وأضاف: هو كلمني وقالي معلش عشان خاطري شكلي مش حلو وقالي أي كلام في أي حاجة وأنا عديتها بمزاجي وهي أغنيتي وأنا سبتهاله بمزاجي ولو هو كان زود كنت هوقفه وبتاعتي نازله على اليوتيوب من سنين.
وجه عمرو حديثه لـ رامي صبري قائلا: انت سرقت لحن أغنيتي رقصة وعملت بيها أغنية يمكن خير وعايزك تثبت أن أنت عاملها من 2009 زي ما قولت.
وتحدث عمرو مصطفى عن فكرة إحياء التراث بالذكاء الاصطناعي، حيث قال: ليه لقيت هجوم عليا لما قولت هعمل إحياء للتراث والمفروض لما المبدع يتكلم الكل يسكت.
وأضاف: أنا عايز اقلب التخت الشرقي تبقى موجودة في الأغاني بتاعتي، وأنا كنت بتخيل صوت أم كلثوم أما ده مش صوتها، وهستأذن الوراثة قبل ما أعمل أي حاجة.
وتابع: ممكن نعمل أدعية بصوت المطربين بالذكاء الاصطناعي عشان ياخدوا حسنات طول عمرهم.
تحدث عمرو مصطفى حول إمكانيةالتلحين لـ محمد رمضان مرة آخرى، حيث قال: أنا لحنت أغنية مرة لمحمد رمضان ومش هعملها تاني مش ستايلي.