تحدث الفنان عمرو مصطفى عن سبب خلافه مع الفنانين خلال الفترة الأخيرة، كما تطرق في حديثه عن مطرب الراب ويجز وشرائه للموسيقى.
وقال عمرو مصطفى خلال استضافته في برنامج حبر سري والتي تقدمه الإعلامية أسما إبراهيم ويُعرض عبر قناة القاهرة والناس: متعتي في الحياة هي المزيكا مش إني اتخانق مع حد وده بيخليهم بيغيروا مني عشان مركز في شغلي.
وأضاف: أنا لا ليا علاقة بالغرور ولا النرجسية ودايما بدفع عن نفسي عشان مفيش حد يقرب مني ويأذيني، أنا عايز أعمل شغل ومزيكا والناس تتبسط باللي قدمه ومعايا نجوم بيزعلوا من عصبيتي في شغلي.
وتابع: أنا بدافع عن نفسي وأنا لو عليا مش عايز أجيب سيرة حد وأنا بحب شغلي ولما بتعامل مع إي حد في الموسيقى وبنسى عمرو مصطفى الإنسان وبفكر أنا هقدم إيه وناس كتير بتفتكر إني مغرور.
وقال عمرو مصطفى: لما روحت لدكتور نفسي قعدت تحكيلي عن مشاكلها وبقيت أنا الدكتور بتاعها، وناس كتير قالتلي انت لازم تروح لدكتور نفسي.
وأردف: أنا بحب الموسيقى أوي وبتخانق وبعمل مشاكل عشانها، ولما عملت الذكاء الاصطناعي فاجأة الناس كلها هاجمتني لمجرد إني بفكر في فكرة جديدة، ولما عملت أغاني بقت تريند ابتدى مطربين يخافوا مني، و أنا المبدع والمطرب مجرد أداة بيغني بس.
كما تحدث عن أزمته مع مطرب الراب ويجز، مشيرًا أنه يشتري أغاني من على المواقع ولا يعتمد على ملحننين ولا موزعين، حيث قال: ويجز بيشتري مزيكا جاهزة وبيتعب في اختيار الموسيقى من على النت، وهو فهم غلط أنا كنت بشكر فيهم وبقول أن ده استايل الموسيقى في العالم وهما مميزين.
وأضاف: أنا هعمل كده بس هعلم الناس كلهم وهقولهم اني خدت الموسيقى وعملت عليها لحن وده اللينك ولو تعرفوا اعملوا لحن اعملوه زيي.