أعرب المخرج عمرو سلامة عن رأيه بـ الطفل عمر شريف، بطل مسلسل تحت الوصاية، وذلك من خلال تغريدة عبر حسابه الشخصي على موقع التغريدات القصيرة تويتر.
وشارك عمرو سلامة صورة له رفقة عمر شريف، وكتب عليها، قائلًا: مبسوط بيك يا عمر ومبسوط ليك على نجاحك في مسلسل تحت الوصاية، ولسة مواهبك هتاخدك لمكان أبعد، نجاحك في المسلسل ينسبلك إنت والمخرج محمد شاكر فقط، وده اللي بيحصل لما موهبة حقيقة تشتغل مع مخرج محترف وفاهم.
وكان قد وجه عمر شريف، طفل مسلسل تحت الوصاية، رسالة شكر لـ المخرج محمد شاكر خضير، بعد تعاونهما في مسلسل تحت الوصاية.
وكتب عمر شريف عبر حسابه الشخصي على موقع التواصل الاجتماعي فيسبوك، قائلًا: بمناسبة نهاية مسلسل تحت الوصاية و أول مشاركة ليا في مسلسلات رمضان، مبسوط أوي أني كنت جزء من عمل كبير حقق الحمد لله نجاح كبير، حابب أشكر المخرج الكبير استاذ محمد شاكر خضير.
وأضاف: اللي اختارني للدور وكان بيعاملني كأصحاب مش كمخرج وممثل و دايما كان بيقعد معايا في كل مشهد يعرفني أعمله ازاي ومطلوب مني إيه بالظبط ودايما كان بيبقي مبتسم في وشي وده خلاني دايما متحمس، وبجد بشكره أنه قدمني بشكل مختلف و طلع مني حاجات انا مكنتش اعرف أني ممكن أعملها وده أكيد هيفرق معايا جدا في مسيرتي الفنية اللي لسه في بدايتها.