أشاد الفنان علي الألفي بحفل الفنان محمد منير أمس بمدينة الإسكندرية، مشيرًا إلى أنه رغم أزمته الصحية استطاع أن يحقق الحفل نجاحًا واسعًا، وبدون تكلفه مثل الحفلات التي أقيمت للعديد من النجوم مؤخرًا.
وكتب علي الألفي عبر حسابه الشخصي بموقع التواصل الاجتماعي فيسبوك: بقالنا أسبوع بنتفرج على بوستات إعلانات حفلات المغنيين المصريين في الساحل أم فلوس كتيرة قوي، وهم مش فاهمين أن دي رسالة غبية للجمهور.
وأضاف: عايز تسمع وتشوف مزيكا يا تبقى غني فشخ يا روح اترمي في حضن بتوع المهرجانات أو الحاجات اللي في متناول ايدك، الراجل من غير أي تحديات وفي ظرف صحي ونفسي صعب بس بتاعنا وإحنا بتوعه، بعد سنين طويلة عمل ريفريش لعقولنا وقال من غير ما يقولها أنا الملك أنا بتاع الكل.
وأردف:المزيكا للكل مش لبتوع اللبس الأبيض وأنت داخل تدفع تمن التذكرة مبلغ ممكن يكون حقيقي يسد ديونك وبيلموه في الإعلانات للغارمات، المزيكا للكل، المطربين للكل، واللي دخلوا سباق إحنا بتوع الأغنياء بس؛ غلطانين وحد يفهمهم أنهم غلطانين.
جديرًا بالذكر كان قد أحيا الفنان محمد منير أمس حفلًا في أحد الفنادق الكبرى بالاسكندرية، بعد غياب أكثر من 10 سنوات عن الحفلات، ونظم الحفل كل من عمر عز و محمود عبد القادر بمشاركة كل من إبراهيم العطا للتصوير و طارق صبري للاضاءه وعماد نبيل للصوت وشريف صبري مذيعاً للحفل ووديع عزمي للتغطية الإعلامية.