احتفل الفنان عادل إمام، بتأهل منتخب مصر لنصف نهائي أمم أفريقيا، بعد فوزه على المغرب في المباراة التي أقيمت اليوم ضمن مبارايات كأس الأمم الأفريقية.
ونشر الزعيم صورة من فيلم “مرجان أحمد مرجان”، خلال مشهد لعبه كرة القدم في فريق الجامعة، واكتفى بايموجي ضحك.
كيف يتسقبل عادل إمام شائعات وفاته؟
من جهة أخرى، أعرب المنتج عصام إمام، شقيق الفنان عادل إمام، عن استيائه الشديد من الشائعات المتلاحقة عن وفاة ومرض الزعيم، مشيرًا إلى تأثير هذه الشائعات على نفسيه احفاده.
وقال المنتج “إمام” في مداخلة هاتفية ببرنامج “حديث القاهرة”، الذي يقدمه الإعلامي خيري رمضان والإعلامية كريمة: “الحقيقة يعني انا مش عارف اقول ايه في مداخلات كتير بتجيلي ومش عارف اي السبب وراء هذه الشائعات الكثيرة ومنتشرة وبدأ من وقت طويل عايز اعرف لية كده وكانت البداية من الساحل يعني قالوا ان عادل امام ساب البيت وراح الساحل قاعد وقافل على نفسه اوضة ومبيعملش حاجة طب ماهو لو قافل على نفسه اوضة يقفلها هنا عديناها وقولت خلاص ماشي مش مشكلة انما بالطريقة الغير طبيعية ديه مينفعش انا بس اللي مهون عليا حب الناس انا جالي تليفونات كثيرة جدا من دول خارجية من استراليا وامريكا”.
وأردف حديثه عن عادل إمام، قائلًا: “هو متابع مرة واتتين وتلاتة وفي مرة احفاده دخلوا عليه بيعيطوا بيحضنوا والاحفاد لسه صغيرين وعايزين يطمنوا انا بسأل بس ليه وايه اللي وراء ده بس يعني اللي وصلت له انهم بيعملوا كده عشان التريند وبيكسبوا من وراه فلوس”.
وتابع: “والله الحمدلله عادل في حالة جيدة جدا الحمدلله ومستمتع بحياته ومش مضايق من كام يوم دخلت عليه الاوضه كان مستخبي وبيلعب مع احفاده وبيخضهم بيقولهم بخ”.