علا غانم/ صرحت علا عن تفاصيل ال 4 سنين التي عاشتهم في امريكا، وروت عن سبب فكرتها لافتتاح شركة للكلاب بامريكا.
وأردفت علا غانم، اثناء حوارها مع الاعلامية لميس الحديدي ببرنامج كلمة أخيرة المذاع عبر قناة اون الفضائية قائلة: “الـ 4 سنين محستش بيهم خالص واشتغلت هناك فتحت شركة للكلاب، بنهتم بالكلاب ونصبغ شعرهم، واقيم في ولاية كاليفونيا، عندي محلين كبار، وان شاء الله هبقوا 4”.
اسباب افتتاحها شركة كلاب
وكشفت عن سبب الفكرة في الشغل بهذا المجال بالاخص، ولماذا اختارت الكلاب قائلة: “انا بحب الكلاب جدا، وولادي لما عرضوا عليا انهم يجيبوا كلاب وفقت كانوا 4 كلاب في الجنينة قولت عادي بعد فترة لاقيتهم 45 كلب كتيير اوي، قولت لازم استثمر بقى الموضوع ده، فقررت انافس الامريكان وفتحت شركة للاهتمام ومراعاة الكلاب”.
تفاصيل عن حياتها الشخصية
وعبرت عن سعادتها بالعودة إلى مصر قائلة: “الدراما والسينما وحشوني جدا عشان كده كنت نازلة وعايزة اشوف هل انا وحشتهم ووحشت الناس ولا لا وشوفت ده من اول لما نزلت المطار لاقيت كل الناس بتقولي وحشتينا اوي وفعلا انا مبسوطة اوي ان الناس فكراني وبتحبني كل الحب ده”.
وعلقت علا غانم، على انتشار اول فيديو ليها عند عودتها قائلة: “انا معرفش ان الفيديو كان هينزل بالسريعة ديه ومكنتش اعرف ان الكوافير هينزل الفيديو، اول لما خرجت من المحل بفتح موبايلي لاقيت الفيديو منتشر على السوشيال ميديا ولاقيت صحابي فنانين ومنتجين ومخرجين بيكلموني”.
ويعتبر هذا أول ظهور لـ علا على الشاشة بعد فترة غياب طالت إلى 4 سنوات، وكان سبب عودتها من امريكا إلى مصر هو حفل زفاف إبنتها كاميليا الدفراوي على رجل الأعمال عبدالرحمن علاء رجب، الذي اقيم في احد الفنادق الكبرى بالاسكندرية يوم 17/6/2021، ومن المفترض انها كانت ستعود إلى الولايات المتحدة الأمريكية بعد إنتهاء حفل الزفاف.
ولدت علا غانم فى الكويت، ثم أنتقلت بعد ذلك لكي تعيش في مدينة الإسكندرية، وتخرجت من كلية الفنون الجميلة قسم تصوير فى عام 1994م.
موضوعات متعلقة: