تحدث الكابتن “مصطفى عفروتو” لاعب النادي الأهلي الأسبق، من خلال استضافته في برنامج “السادسة” مع الإعلامية “سارة مُحسن” المُذاع عبر قناة الأهلي، عن فترة لعبه في النادي الأهلي.
وقال: “الموسم الجديد بتاع موسيماني من أوله لآخره، ونقدر نحاسبه براحتنا”.
وتابع: “كنت أتمنى اللعب تحت القيادة الفنية لموسيماني، لأنه راجل بتاع كرة وأنا بحب الحرية في اللعب وهو بيعمل دا، بالإضافة لإنه بيقرب من اللاعبين نفسيًا، وهو مدرب ذكي”.
وأكمل: “بشجع ريال مدريد وبتمنالهم الفوز النهاردة، وزيدان مدرب ذكي بس غلطته إنه استغنى عن لاعبين مينفعش يستغنى عنهم”.
وواصل: “كنت عارف من أول ما مباراة برشلونة ويوفنتوس بدأت، إن اليوفي هو اللي هيكسب لأن ميسي بيلعب مأريف ومش في حالته بقاله فترة”.
وأضاف: “صلاح رفع سقف طموحات الطفل المصري في الكرة، ومسيرته جعلت كل شاب مصري بيسعى للوصول لاقصى طموحاته زيه حتى لو مش في مجال الرياضة في اي مجال تاني”.
وإختتم حديثه قائلًا: “موسيماني هيعيد فترة إحتكار الأهلي لجميع اللاعبين زي فترة جوزيه، وهو عارف بيتعامل مع مين وإزاي، ويكفي إنه عارف قيمة القلعة الحمراء”.