أطلق المطرب الأردني عزيز مرقة عبر قناته الرسمية بموقع الفيديوهات الشهيرة يوتيوب، أغنيته الجديدة، التي تحمل عنوان “بتسأليني”.
وتعد أغنية “بتسأليني” من كلمات عزيز مرقة، ويشترك في الإنتاج الموسيقي لها ماخر الملاخ، وجاءت كلمات الأغنية:
بتسأليني كيف الحال
سؤال… جوابه صغير
كلمتين خليني أحكيهم
شو يعني بده يصير
ولا أقولك ما بتعرفيني
حتى لو بعد سنين
قدامك… شايفتيني و
مش شايفه أنا مين
أنا حلم كبير عنوانه الفشل
بحّار بيرسي على شط الزعل
كل ما أصارع أعلى الموج
بأفكاري برجع بغرق
ويدوب أطلع لفوق
وإنت جاية تسأليني
العلة فيي مش فيكي إنت
مش عارفة حالك وين غلطتي
العلة فيي مش فيكي إنت
بتسأليني كيف الحال…
كيف أجاوب على هيك سؤال؟
لو تعرفي يللي فالبال
أكذب؟ أضلني ساكت؟
ولا أحكيلك كل شي؟
أنا قصة من غير كاتب
أنا ثورة من غير قائد
أغنية من غير شاعر
ولك فاهمة أنا مين؟
أنا نار بتولع من غير سبب
أنا الصمت الهادي وراه الغضب
أنا حرب دمار إعمار شعارات تفجير
مش عارف وين أتخبى
أنا الجيش
أنا الجندي اللي قالب على حالى!
العلة فيي مش فيكي إنت
مش عارفة حالك وين غلطتي
العلة فيي مش فيكي إنت
مش شايفة… ولا سامعة الصوت
أخر أعمال عزيز مرقة
والجدير بالذكر أن آخر أعمال عزيز مرقة أغنية “بحب للسما”، التي أطلقها بمناسبة عيد الحب، والأغنية من كلمات وألحان عزيز مرقة، وتوزيع موسيقي ماهر الملاخ، وإنتاج شركة “جاما ميوزيك” للمنتج محمد جابر.