طالب أحد عملاء البنك الأهلي المصري بحل مشكلته بسبب عدم وجود رد مقنع من خدمة العملاء.
وقال عميل البنك الأهلي المصري، انه قام باجراء عملية سحب من ماكينة البنك الأهلي في الاسكندرية ولكنه لم يستلم أي أموال، موضحًا أن القيمة تم خصمها من الرصيد بدون وجه حق .
وجاءت شكوى العميل من البنك الأهلي المصري وفقًا لما يلي..
«بعد اذنكم انا عندى مشكله ، يوم 16-8-2023 عملت عمليه سحب من ماكينه بنك اهلى فى اسكندريه ، بمبلغ معين المبلغ لم يخرج من ماكينه الصرف الالى ، وتم عمل اتصال مع الشكاوى وافاد ان المبلغ مازال معلق ولم يتم تاكيد خصمه وبعد 3 ايام تم عمل مكالمه اخرى وتقديم شكوى بعد تاكد من خصم المبلغ وكان الرد خلال 3 ايام ان تم قبول الشكوى يوم 24 وان المبلغ سيتم رده فى خلال 3 ايام وتم الانتظار المده المطلوبه وبعدها تم الاستعلام عن المبلغ فى الحساب وان المبلغ لم يتم رده وتم عمل اتصال اخر يوم 28 / 8
وافاد الموظف ان الشكوى الاولى تم اغلاقها بالرغم ان المبلغ لم يتم رده للحساب وعليه تم عمل شكوى اخرى تستوجب يوم واحد عمل ، وتم عمل استعلام اليوم 29 / 8 والمبلغ لم يتم رده وتم عمل مكالمه اخرى مع قسم الشكاوى وافاد ان شكوى امس تم رفضها بسبب ان الرد كان ان المبلغ تم رده ، وتحدثت مع موظف الشكاوى ان ازاى المبلغ تم رده وان الرصيد الحالى نفس الرصيد من يوم اول شكوى وان لايوجد عمليات سحب تمت من يوم 16-8».
ويتيح موقع أوان مصر حق الرد من الجهة الأخرى وهي البنك الأهلي المصري في اي وقت.
شكوى جديدة ضد البنك الاهلي
وكان اشتكى أحد عملاء البنك الأهلي منذ أيام من بعض الخصومات التي يتخذها البنك على العملاء، معتبراً أن هذا الوضع يتم دون وجه حق من البنك الاهلي.
شكوى عميل ضد البنك الأهلي المصري
وجاءت شكوى العميل عبر السوشيال ميديا كما يلي:
«البنك الاهلي المصري حضراتكم للاسف دون الثقة ومنصحش حد يتعامل مع البنك تماما انا النهاردة تم خصم 350ج بدون وجه حق انا كنت موقف تعامل مع البنك من اكتر من سنة وللاسف خدت اغبي قرار اليوم باني اشتغل ع الديبت كارد وروحت عملت ايداع ب3000ج لقيتهم 2650ج كلمت خدمة العملاء قالولي البنك دخلك من سنة بشكل تلقائي في كشف حسابي ورقي ب60ج كل 3 شهور ( ده غير المصاريف الادارية ) قولتلهم انا رقمي معاكم متبعتليش رساله بده ليه ؟ منعرفش يا فندم , طب ليه مجاليش رساله بالمديونية ؟ منعرفش يا فندم , طب حضرتك انا مجاليش اي كشف حساب ورقي من 2018 حتي اليوم مقابل الفلوس اللي اتخصمت يعني ده خدمه وهمية و مش بستفاد بيها لو حضرتك عاوز تفدني فعلا انت اصلا مش بتوصلي الكشف لحد البيت علشان تاخد الفلوس دي وع الاقل المفروض اني اعرف اني في نظام زي ده مطبق عليه والفرع نفسه اللي هوا جولف سيتي العبور مش بيبعت كشوف حسابات للبيت للعملاء ده حتي الديبت كارد بتعتي قالولي تعالي استلمها من الفرع احنا مبنبعتش للبيت فازاي اشترك بدون علمي وبشكل اجباري بخدمه انت مبتوصلهاش من الفرع ده اساسا للبيت ( الكشف الحساب الورقي ) و مبتعرفنيش اني اشتركت ولا اني بيتراكم عليه فلوس ولا بيبان حتي اني عليه فلوس لما بعمل استعلام عن الرصيد وغير متاح رد المبلغ (بالرغم انه الفرع نفسه مبيبعتش الكشف ده للبيت يعني بتعملوا خدمات لم فلوس فقط ومفيش استفاده للعملاء ولما بنشتكي ممنوع انك يتردلك الفلوس بتاعت الخدمه اللي حضرتك مستفدتش بيها ولا تعلم عنها شئ غير لما اتخصم منك 350ج فجاة ) وفي الاخر موظف خدمه العملاء بيقولي ممكن نخلي الخدمه بعد كده مجانية عن طريق الاهلي نت بدول الورقي قولتله طب ليه ده مش من الاول ؟ قالي الفرع اللي محدد انه ورقي وحضرتك لازم اللي تحوله ( لما تتغفل وتعرف ان عليك فلوس زيي كدا».
من جانبه حاول موقع أوان مصر التواصل مع قسم الاعلام والعلاقات العامة في البنك الاهلي المصري دون جدوى،ويتيح الموقع مساحة للبنك للرد على العميل في أي وقت.