كشف الفنان رامي صبري الأسباب الحقيقة وراء عدم حضوره حفل كلية آداب جامعة الإسكندرية.
وقال في بيان عبر صفحته الخاصة على فيسبوك «جمهوري في الإسكندرية وتحديدا طلاب كلية آداب اولآ الف مبروك علي التخرج وربنا يوفقكم دائماً .. ثانيا والاهم عندي لازم تعرفو اني بحبكم جداً جداً وبعتذر لكم تاني لعدم وجودي معاكم في حفل تخرجكم اليوم .
واكيد مش انا السبب في سوء تنظيم كبير وعدم احترام الاتفاقات اللي تمت بيننا وبين الشركه المنظمه للحفل علشان الحفل يطلع بأحسن شكل ممكن من حيث الصوت والمسرح والشاشات وده للاسف محصلش لحد قبل الحفله بيومين مفيش اهتمام أبداً وأنا شخصيا تدخلت وقولت أنه كده الحفله هتتلغي الرد كان فيه سلبيه كبيره وعدم اهتمام بالحفل من عند الشركه المنظمه حذرت أكتر من مره علي مدار يومين مفيش فايده موضوع الاتفاقات الماديه
انا المقابل المادي عندي مش اهم حاجه ولكنها من ضمن الاتفاقات ، تم دفع جزء من الاجر وده الطبيعي والباقي قالولنا قبلها باسبوع وبردو محصلش حاجه لحد يوم الالغاء اللي هو قبلها بيومين.
كل ده بالنسبالنا احنا كا رامي صبري الحقيقه ( عك كبير جداً ) مرضناش نكمل فيه فا تم الغاء الحفل احتراما لينا ولجمهورنا المحترم في الاسكندريه
حبيت أوضح علشان جالنا مواضيع كتيره جداً مفيش ١٪ صح.
أن شاء الله تكونو انهارده مبسوطين يا حبايبي بتخرجكم وربنا يوفقكم في حياتكم بمشاركه فرحتكم مع النجم الكبير حماده هلال اللي هايكسر الدنيا معاكم اشوفكم قريبا».