قال النجم طارق لطفي لميجا اف ام احنا لسه بنصور من قبل الفطار ولحد ٥:٣٠ لحد أول ضوء للشمس، و الكاتب الكبير عبدالرحيم كمال كان بيكتب مسلسل غير جزيرة غمام، وأنا كنت مرتبط بمسلسل تاني خالص، وإلتقينا بالصدفة في الشركة المنتجة، وقال إنه هيعمل فكرة تانية غير المسلسل اللي بيكتبه وشرحها، فعجبتني الفكرة وقلت أنا كمان هعمل جزيرة غمام، جاء ذلك خلال مداخلة هاتفية لبرنامج هليلة في ٣٠ ليلة الذي يذاع علي ميجا اف ام والحلقة من تقديم شريف نور الدين و همسة إمام .
و أضاف الحدوته اللي حكاها الأستاذ عبد الرحيم كمال عجبتني قوي، والشخصية أغرتني جدا ، إني أقدمها وأعملها، قالولي استني إقرا الورق، وقلت لهم أنا أثق جدا في عبد الرحيم كمال .
و تابع احنا كسالي جدا في الوسط الفني…بمعني إن لو ممثل نجح في دور معين… بيفضل يؤدي ويُسْكن نفس طبيعة الشخصية لضمان النتيجة.. ولكن مسألة التغيير.. إن حد يعرف إنك تقدر تؤدي دور مختلف لازم يكون حد قريب منك… زي جبل الحلال.. لأن عادل أديب أغراني بالدور ده. ولكن أدورا الشر عادة… بيكون لها طبقات… غير الأدوار الطيبة…
و علق عن الشخصية فقال شخصية خلدون رمز… عكس شخصية السنة اللي فاتت هي شخصية ورمز في نفس الوقت، و عن الجملة الصعيدي : ” كيف عويل اللنضة في الطيات”..جملة صعبة وسألت معناها.. ولكن عبد الرحيم كمال صعيدي أصيل.. وعندنا مصحح لهجة أمين جدا.. ومعتز جدا على اللهجة الأم..
واختتم قائلا الزميل والفنان فتحي عبد الوهاب ممثل عبقري .. وصديق مقرب مني… وفي راحة ومساحة بيني وبينه…هكون المستفيد والمشاهدين هيستفادوا لما يكون في دور ومشاهد.. الأستاذ رياض الخولي.. هو أحد أساتذتنا الكبار.. والتمثيل معاه مريح جدا جدا… الجديد واللي دخل علينا وعمل مفاجأة كبيرة هو الفنان أحمد أمين… هو لطيف جدا ومجتهد.. فبقت كواليس المسلسل بقت شبه المسلسل.