هاجم الناقد الفني طارق الشناوي الهضبة عمرو دياب وكلمات أغانيه وأنه يختار كلمتها من وسائل المواصلات.
وقال طارق الشناوي خلال تصريحاته التلفزيونية: “عمرو دياب، بياخد الحِكم من التكاتك وبيعملها أغاني، وأغلب أغانيه موجودة على التكاتك وده مش غلط، مش دول ولاد بلد وإحنا ولاد البلد؟ يعني مثلًا سيد درويش لما غنى سلمى يا سلامة، دي جملة اتقالت في الشارع وهو خدها ناحيته”.
وأضاف طارق الشناوي: “عمرو دياب بياخد الأغاني الموجودة على التكاتك أو الميكروباصات وولاد البلد والشعراء اللي بيشتغلوا معاه وبيغنيها بطريقته وده مش عيب، هو بيقول أغاني ممكن تكون مهرجانات لو متمش تعديلها وتهذيبها بطريقة عمرو دياب”.
آخر أعمال عمرو دياب
وفي سياق أخر، طرح عمرو دياب مؤخرا أغنيته الجديدة التي تحمل عنوان” من 6 لـ 9″، وحققت الأغنية نجاحًا كبيراً فور طرحها على جميع المنصات الرقمية، والأغنية نن ألبومه الغنائي الاخير، والأغنية من كلمات أيمن بهجت قمر، وألحان محمد يحيى، وتوزيع وسام عبد المنعم، وميكساج وديجتال ماستر أمير محروس.