تحدثت الفنانة صفية العمري عن تحضيرها لعمل درامي حاليًا، بالاضافة إلى حديثها عن شخصية نازك السلحدار الشهيرة، التي لعبتها ضمن أحداث مسلسل ليالي الحلمية.
وقالت صفية العمري في تصريحات تليفزيونية: أنا بحضر حاجة إن شاء الله مش عارفة هتلحق رمضان ولا لأ، والعمل الحلو بيعمل لوحده رمضان ولما بينجح بيجيب الجمهور، أنا فاكرة أن مسلسل ليالي الحلمية كان فيه جزء منه برا رمضان وحقق نجاح برضو.
وتابعت عن تقديم شخصية نازك السلحدار: أنا فخورة إني عملت نازك السلحدار والعمل ناجح وأسطورة موجودة وهتفضل موجودة لكل الأجيال اللي جاية، ومفيش حد امتداد لحد، كل واحد له شخصيته وإنه ينجح في تقديم شخصية مميزة والشطارة إنها تبقى فيها بصمة وتكمل.
واما عن إذ كانت ستكتب مذكراتها لتقديمها في عمل فني، قالت صفية العمري: مظنش إني ممكن أكتب مذكراتي لأني معنديش الحاجة اللي تتكتب، ومفكرتش أكتبها.
وفي سياق آخر، طالبت الفنانة صفية العمري، بـ حصول الفنانين على مقابل مادي، نظير عرض أعمالهم على القنوات التليفزيونية، وقالت في تصريحات تليفزيونية: إحنا الفنانين اللي أعمالنا بتتذاع كل يوم المفروض يبقى لينا عائد والحقوق بتاعتنا ناخدها لكن محدش مهتم.
وتابعت صفية العمري: العالم كله بيدفع للفنان، المنتجين مش هتدفع من جيوبها، لكن القنوات هي اللي مستفيدة والفنان مش مستفيد بحاجة، للأسف النهاردة فيه فنانين كتير مرضى، هل ينفع إن الدولة هي اللي تعالج الفنان؟ أنا غضبانة جدًا.