يبدو ان المزراعين على موعد جديد من الصراخ ، حيث يتكرر المشهد طوال العام وبوجوه متشابهة ، حيث المشكلة الآذلية لديه الأسمدة أو مياه الري.
شيكارة السماد وصلت 300 جنيه ومش لاقينها نعمل ايه.. هذا هو حال أحد المزراعين في محافظة سوهاج ، مؤكدا ان الوضع سيئ جدا ولا يجدون الأسمدة الا في السوق السوداء وتتجاوز قيمتها 300 جنيه تقريبا.
وقال محمد إبراهيم مزراع من مركز دار السلام بسوهاج ” والله ما لاقين سماد علشان ارضنا.. هو في أيه يا جماعة مش معقول كل سنة نشوف المرار علشان شيكارة السماد”.
و أضاف : الطمع موجود وبشكل كبير بين التجار.. طيب الحكومة سابتنا للسوق السوداء وياريت لاقين” ، موضحا أن هناك ابتزاز يحدث للمزارع من التجار وقال ” التاجر بيقول للمزارع لو عاجبك عاجبك ولو مش عاجبك روح اشتري بعيد عني”.
من ناحيته طالب محمود مهدي مزارع الحكومة بسرعة توفير السماد قائلا” والله يا حكومة ما عايزين غير السماد.. حتى السماد مش عاوزين توفوره للمزارع.. طيب نعمل ايه ونروح فين”.
و قال : الأرض مديونة والبيوت مديونة.. عاوزين السماد علشان الزرع .. الشيكارة وصلت 300 جنيه.
وطالب مهدي وزارة الرزاعة والجهات المعنية بمراقبة الأسواق والضرب بيد من حديد على الذين يستغلون الوضع ويرفعون أسعار الأسمدة .
وتشهد الأسعار حاليا حالة عدم استقرار في السوق ، خاصة بعد انتهاء موسم الشتاء والبدء في زراعة المحصول الصيفي.