ردت لبنى عروس الصديقة المقربة للفنانة ياسمين صبري على تصريحات والدها ضدها، بعد أن انتقدها وهاجمها في الآونة الأخيرة.
صديقة ياسمين صبري تكذب والدها
وذكرت لبنى عروس عبر حسابها الشخصي بموقع التواصل الاجتماعي فيسبوك قائلة: “أنا حاسة بغضب شديد جدا، عمري ما فكرت أرد ولا أتكلم لكن اللي بيحصل ده تهريج بكافة المقاييس، یاسمین أشرف صبري صديقتي منذ الطفولة وحتى الآن، تربطني بها علاقة صداقة وحب وتفاهم وإنسانية بلا حدود اللي أبوها نشره يثير إشمئزازي لدرجة مقرفة”.
وواصلت:” حقيقي إنت مين، إنت كنت فين، إنت جيبت عربية، إنت صرفت عليها جنيه إنت تعرف إيه عنها، إنت شوفتها بس في الكام صورة اللي إنت حاططهم فقط لا غير، إنت محضرتش معاها أي حاجه في حياتها ولا تعرف عنها أي حاجه، إنت سنين تختفي وتظهر يوم في نادي سبورتنج تاخذ صورة وتختفي أنا عشت مع ياسمين في المدرسة وفي النادي طول طفولتي”.
وأردفت صديقة ياسمين صبري قائلة: “ما أفتكرش إني شفت حد رباها ولا كان معاها غیر کریمة الله يرحمها جدتها، وأمها كانت في الخارج بتشتغل عشان تبعت فلوس عشان تعيش ياسمين في مستوى كويس، طلعتها جدتها رياضية طموحة، ربتها على القناعة تيجي إنت دلوقتي بعد كل ده افتكرت أن ليك أولاد، لما بقت مشهوره”.
واختتمت:” إخص وألف إخص، أنا قرفانة من الآباء اللي بالمنظر ده أنا أفتكر اللي كام مره اللي شفتك فيهم، کنت تشوفنا صدفة وتقعد تتريق علينا وإننا شباب ضايعين بس ربنا كبير حسبي الله ونعم الوكيل”.
والد ياسمين صبري يهاجم نجلته: قدرت تطعن أبوها في ضهره.. واتجوزت من ورايا
من جانبه كان قد هاجم الدكتور أشرف صبري والد الفنانة ياسمين صبري نجلته، بعد أن أساءت له في أحد اللقاءات، وأشارت إلى أنها لا تعرفه.
وشارك أشرف صبري صورة له من خطوبة قديمة لأبنته وعلق قائلاً:” بعد ما سمعت اكاذيب بنتي اللي ربيتها في بيتي وكانت صاحبة البيت وعندها شغالة وقدرت تطعن ابوها في ضهره؟، واصدقاءنا كانوا بييجو البيت بيشوفوها ولما كبرت جيبتلها عربية ياريت الناس اللي يعرفونا وجم بيتنا يردوا ويقولوا ياسمين كانت عايشة في بيتي ازاي في كل مراحلها وازاي اتخطبت وعملتلها اجمل حفلة ودي صورها”.
وواصل:”الكدب ده بيبرر بالنسبة لها سبب عدم حضورها فرح اخوها ولو اب اهتم بفرح ابنه وزعلان ان اخواته ماجوش مش حيهتم ببنته؟، وانا عملت لها حياة كريمة راقية ومحترمة وماكنتش فاكر إن الرد حيكون كده والسر اللي الناس ما تعرفوش أنها اتطلقت من الراجل المحترم الدكتور ده بسبب أمها لأنه حكالي وقالي أمها خربت بيتنا، واتجوزت من ورايا وبدون علمي بعد التربية اللي عملتهالها وعشان كده انا مش معترف بجوازها اللي من ورا ضهري ده، وحسبي الله ونعم الوكيل”