تحدثت الراقصة صافيناز عن خوفها من الموت، مشيرة أن أفضل شيء للإنسان أن يصلي قبل وفاته، كما كشفت إمكانية اعتزالها الرقص.
وقالت صافيناز في حوار تلفزيوني مع الإعلامي نزار الفارس: بقول يا رب قبل ما أرقص عشان مموتش على المسرح وربنا بيديني طاقة أرقص، والبعض بيقول المجتمع العربي بيرفض الرقص، طب ليه محدش بيعمل فرحه من غير راقصة؟.
وتابعت صافيناز: أحسن شيء يحصل للبني آدم يكون عنده فرصة قبل ما يموت يصلي حتى لو عشر دقايق، وربنا عارف إني بحب الرقص ودي مشكلة حياتي وطول ما فيا صحة هرقص ولو سبته هرجع له.
وعن بداية دخولها مجال الرقص الشعبي، قالت: أنا درست التمثيل والرقص ومثلت من وأنا 14 سنة وكنت بطلة فيلم وأنا 16 سنة برا مصر، ومن وأنا سنتين ونص دخلت فيلم هندي عن الرقص فقط ومن ساعتها وأنا قررت أكون فنانة.
وأضافت: روحت مصر 2011 وقبل كده كنت متجوزة واحد أردني في شرم الشيخ وعشت فيها 4 سنين، وصاحب زوجي ساعدني أكون راقصة، والآن أنا راضية عن مكانتي واسمي الفني جدًا.