نشرت داليا عاصم، خبيرة التنمية البشرية، صورة مبرد للمياة، معلنة عن كونه أول صدقة جارية علي روح الفنان الراحل هيثم أحمد زكي، وذلك عبر حسابها الشخصي علي موقع التواصل الاجتماعي فيسبوك.
وعلقت عاصم علي ذلك، قائلة:” فرحانه وخايفه وقلبي موجوع..فرحانه ان كل اصحابي عمالين يشيرولي منظر الكولدير الي عملناه ع روح هيثم والحب الي قلوبهم لي..خايفه لاني اقسم بالله ماعملتهم بغرض الشهره الغريبه ده والانتشار في كل المواقع ده”.
وأضافت خبيرة التنمية البشرية:”والله والله يشهد ربي اني عملته والفكره اما جاتلي علشان انفع بيه هيثم في اخرته..ماغرض منه اني اتعرف والا اسم المبادره يتعرف”.
وأكملت عاصم:”قلبي موجوع لان اربعه من اصحابي كلموني وحملوني امانه بعد عمر طويل ليهم يارب اعملهم كده.. والله الدنيا ده فعلا لا تسوي شئ حبوا بعض قدموا الخير لبعض مش شرط تعرفوهم او لا..بكره نكون في مكانهم وساعتها ربنا هيسخرلنا الي هيدعيلنا والي هيعملنا صدقه..كل حاجه بنعملها هتترد لينا”.
واختتمت عاصم حديثها، قائلة:”مش هقول غير الحمد لله..وياريت فعلا الناس تقتدي بينا وتعمل لغيرهم صدقات سواءتعرفه او ماتعرفهوش كله لله..والي عند الله والله مابيروح”.