كشفت الفنانة صابرين كواليس قبولها لتجسيد شخصية ام كلثوم، وكيف عرضت عليها الشخصية، وموقفها عندما قابلت الفنانة سعاد حسني.
صابرين تحكي كواليس تجسيد شخصية ام كلثوم
وقالت خلال لقائها مع الإعلامية لميس الحديدي، ببرنامج كلمة أخيرة الذي يعرض عبر قناة “أون” الفضائية: “ياريت كنت ابقى دلوعة، لما اتعرض عليا ام كلثوم ضحكت، وسعاد حسني لما شافتني قالتلي خدودك وضحكتك شبهي وقالتلي انتي ليه مش بتعملي استعراضات في السينما”.
وأضافت قائلة: “اول ما وقفت على المسرح والستارة اتفتحت لاقيت سعاد حسني واحمد زكي قدامي اتصدمت واندهشت وفضلت واقفة متنحة”.
وتابعت خلال حوارها قائلة: “بقول الحمدلله ان كان حظي حلو جدا من كل للي حواليا ممثلين ومنتجين ومخرجين، وكل فترة بلاقي نفسي عملت حاجة حلو”
صابرين تكشف كواليس شخصية حليمة.
وتحدثت عن شخصية حليمة بمسلسل “أفراح القبة” قائلة: “دور حليمة في أفراح القبة مكنتش متخيلة ان شخصية زي ديه ممكن تجيلي، والشخصيات اللي انا عملتها مكنتش بتوقعها تماما، مبعرفش احفظ ادواري ومبعرفش اذاكر قبلها بليل واحفظ والكلام ده، كنت بحفظ اون اير قبل الهوا مباشرةً”.
وأشارت قائلة: “كان في مشهد 18 ورقة وكان 14 دقيقة من كتر التوتر نمت بالميكاب عشان هنزل تصوير تاني يوم، واتفرجت على لقاءات لـ زينب الغزالي عشان اعرف اقدم الدور صح، واستاذ وحيد كان ملخص الدنيا”.