تحدثت الفنانة شيرين عبد الوهاب عن لجوئها للطبيب نبيل عبد المقصود، ومساندة بناتها لها، وذلك خلال لقائها مع الفنانة إسعاد يونس في برنامجها «صاحبة السعادة»، الذي يتم عرضه على شاشة قناة dmc.
وقالت شيرين عبد الوهاب: «هو عشان أنا روحت لدكتور إدمان لازم أكون بتعالج من الإدمان؟ هو صاحبي قبل ما يكون طبيبي، والإدمان مش شرط يكون مخدرات دا فيه إدمان أدوية وإدمان عادات سيئة، ومكنتش بنام غير بمنوم ودوا للأفكار اللي في بالي، والحمد لله دلوقتي حتى برشام الصداع مش باخده، وعلاجي ملهوش علاقة بالمخدرات أنا فلة شمعة منورة».
كما تحدثت شيرين عن مساعدة بناتها لها خلال أزمتها الأخيرة مع طليقها الفنان حسام حبيب، حيث قالت: «أنا قلبي بابه اتقفل خلاص وبقيت مبسوطة باللي أنا فيه وشوفت أن فيه ناس كويسة وزمان كنت فاكرة إن الناس كلها طمعانين فيا، ووصلت لمرحلة كنت بطلب المساعدة من بناتي وبقولهم ساعدوني في تربيتكم أنا مش عارفة أعمل إيه، وفي مرة بنتي لخصت كل حاجة في كلمتين وفوقتني وقالت لي يا ماما دا مينفعكيش ومن ساعتها أنا اتغيرت».
وعبرت شيرين عبد الوهاب عن شدة سعادتها لمساعدة جمهورها لها، معلقة: «أنا ممتنة لكل شخص في الشارع وكل شخص قال لي كلمة حلوة ودعمني.. أنا لولا الجمهور عمري ما كنت هرجع تاني».