شيرين عبدالوهاب/ انهارت من البكاء على الهواء مباشرةً، بسبب الأزمة الأخيرة التي تعرضت لها هي وزوجها من اقرب الناس إليها.
وكشف حسام حبيب خلال مداخلة هاتفية مع الإعلامي عمرو أديب ببرنامج “الحكاية” المذاع عبر قناة ام بي سي مصر الفضائية قائلاً: “شيرين من كتر الصادمة ان ده يحصل من اقرب الناس لينا او ناس ملهاش علاقة بينا اللي هو انتو ليه تخترقوا حياتنا وايه اللي يهمكوا في حياتنا”.
وطلب عمرو أديب ان يتحدث مع شيرين وقائلاً: “ياشيرين انتي بتعيطي ليه دلوقتي انا سامع عياطك من هنا”.
لترد عليه شيرين قائلة: “انا تعبانة وبحاول امشي جوا الحيط اللي محدش يعرفه من ساعت موضوع الاتهامات الغريبة اللي كانت بتحصل وكنت في امريكا”.. ليستكمل حسام المكالمة بسبب انهيارها من البكاء قائلاً : “اللي هي مش قادرة تفهمه ان الفنانين دول بشر وان في الاخر لما حياتهم بيحصل فيها كده بيبقى الواحد مش عارف يروح فين”.
وأوضح قائلاً: “احساس صعب جدا ان حد يسجنك جوا حياتك ويسجنك جوا بيتك يعني انا مش عارف ارد ع حد ولا عارف اسمع حد حتى كلمة معلش متزعلش مش قادرة اسمهم ازعل على ايه على حاجة معملتهاش اصلا”
أزمة حسام حبيب وشيرين عبدالوهاب
تعرض الملحن حسام حبيب منذ أيام إلى انتقادات وهجوم شديد هو وزوجته شيرين عبدالوهاب بسبب ان هناك تسجيلات انتشرت عبر السوشيال ميديا وهذة التسجيلات اتنسبت إلى والد حسام حبيب، وكان يقول فيها ان إبنه يخطط لكي يستولى على أموال شيرين، وبعد ذلك يتزوج من فتاة صغيرة في السن لينجب منها طفلاً.
ونفي حسام كل ما تداول وكشف ان هذة التسجيلات غير صحيحة ومتفبركة، قائلاً: “ايه رايكوا فيا وانا بضحك على شيرين وباخد الكريدت كارد بتاعتها، الصبح هنعملكوا فيديو من المحكمة”.