وجه الإعلامى أحمد شوبير، رسالة إلى رمضان صبحى لاعب بيراميدز، بعد الأزمة الأخيرة التى تعرض لها فى بداية ظهوره مع ناديه، خلال الجولة الأولى للدوري الممتاز.
وقال “شوبير”، فى برنامجه “ساعة مع شوبير”، عبر إذاعة “أون سبورت إف إم”: “لو ليا إمكانية أقول نصيحة لرمضان صبحي هقوله طول ما ودنك للجمهور والسوشيال مش هتنجح، محدش يا بنى مختلف على إمكانياتك وإنك لاعب كبير مشيت من الأهلى وخلاص”.
وأضاف أحمد شوبير: “بس مبرراتك للرحيل عن النادى الأحمر لا قيمة لها على الإطلاق وكنا نتمنى أن تكون صادقا وتعلن رغبتك بمنتهى الوضوح بدلا من الحديث عن مبررات واهية لم يصدقها أى شخص”.
وتابع: “كنت عايزك بس تبقى واضح لكن خلاص قصة رحيلك عن الأهلى اتقفلت وأنت موهوب ولو فضلت متعصب زى أول مباراة ظهرت فيها هتدفع الثمن غالى والموضوع مش هيكون إنذار وطرد بس، ممكن تبقى إصابات كمان.. ركز فى الكورة يا صبحي وكل واحد بياخد نصيبه”.
وختم “شوبير” حديثه قائلا إن “بيراميدز فرقة كبيرة وفيها نجوم تقيلة بلغة الكورة، موجها نصيحة لرمضان صبحي قائلا: “الفرقة محتاجة ليك تركز معاهم وتقفل ودنك عن الجمهور وعن تعليقات السوشيال ميديا عشان تقدر تكمل وتنجح مع فريقك”.
اقرأ أيضا :
اليوم.. طلائع الجيش في مواجهة صعبة أمام أسوان