شن بعض أعضاء النادي الأهلي، هجومًا على إدارة النادي الأكبر في أفريقيا عبر وسائل الاجتماعي، بخصوص نظام تجديد العضوية السنوية.
وتداول منشور لأحد المنتسبين لعضوية النادي، تقول فيه: أنا نزلت شكوي في النادي الأهلي و مسحتها عشان الناس شككت في مصداقيتي.
وأضافت: دلوقتي بنزلها تاني بعد ما الموضوع اتأكد ١٠٠% .. اشتركنا في النادي بنظام الأقساط السنويه و دفعنا مقدم، بعد فترة النادي عمل عرض اللي يدفع باقي الأقساط بدري عن معادها و كاش هياخد خصم علي المبلغ الإجمالي.
وتابعت: أغلب المشتركين استجابو للعرض و دفعنا بدري و خدنا الخصم.. تخيلو دلوقتي و بعد اكتر من ٣ سنوات الإدارة بترفض تجديد الاشتراك و بتقولنا لازم تدفعو الخصم اللي خدتوه عشان مكانش قصدنا و دي غلطة موظف.
وأتمت: إحنا كده كده ماشيين في إجراءات قانونيه و شكوي جماعيه لوزير الشباب و الرياضه. بس رجاء اللي يعرف يوصل صوتنا لأي مسؤول كبير يحاول يساعدنا..