كانت الفنانة شذى، ضيفة الإعلامي سعيد جميل، في برنامج أنا سعيد، وتحدثت خلال الحلقة عن أعمالها الفنية، وأسرار عن حياتها الشخصية.
قالت شذى: «سنجل لغاية دلوقتي لأن مفيش حد هيستحملني أنا ست تافهة، وقاعدة في بيتي ومبسوطة».
وأضافت: «كل الرجالة اللي عرفتهم مكملتش معاهم لأني كنت أرجل منهم.. وبعتمد على نفسي».
شذى: زعلانة من تامر حسني وسيرته بتقلبلي مزاجي
كما أعلنت المطربة شذى، عن تفاصيل علاقتها بزملائها في المجال الفني، موضحة أنها غاضبة من الفنان تامر حسني.
وأضافت: «على المستوى الشخصي والمهني تامر ضيف شرف في حياتي، خاصة إني بتعرض لأزمات كتير في السوق وتغير الذوق، ولكن تامر في إيده إنه يصلحلي حاجات كتير وأنا أستاهل ده لأن الصحاب لازم يكونوا ضهر لبعض، خصوصًا لو أنت كنت كويس معاه قبل كده، عشان كده بزعل لما بتيجي سيرة تامر، لأني مكنتش مستنية منه حاجة كنت مستنية يسأل عليا».