في لفتة طيبة، قدم أحد جماهير النادي الأهلي عرضًا لـ محمود عبد المنعم كهربا، جناح الفريق الأول لكرة القدم بالنادي، بدفع مليون جنيه من قيمة الغرامة.
ونشر محمود عبد المنعم كهربا، عبر حسابه الرسمي على موقع التواصل الاجتماعي «إنستجرام» رسالة أحد الجماهير وهو يقول له: «ممكن يا كابتن أطلب منك طلب ويا رب تقبله مني، ممكن أقف جنب حضرتك في الغرامة، وأقدم لك مليون جنيه هدية من أخوك الصغير، لأني بحبك في الله ونفسي أشوفك ترجع تكسر الدنيا من تاني».
ورد محمود كهربا: «كلامك وحبك ليا بفلوس الدنيا كلها، حبك ودعمك ليا وإيمانك بيا وصل من كلامك ودعواتك ليا وأنا مش محتاج من الدنيا غير حبكم ودعمكم».
ومن جانب آخر، يعمل النادي الأهلي على حل أزمة كهربا لإنهاء أزمة الغرامة وعودة اللاعب للمشاركة في مباريات الفريق من جديد مع بداية الدوري المصري للموسم الحالي.