نشرت فتاة التيك توك “حنين حسام” فيديو تشكر فيه القضاء المصري على أقتناعهم ببرائتها، ويعتبر أن هذا أول حوار لها مع متابعيها بعد إخلاء سبيلها.
وقالت في الفيديو: “في حاجات كتير عايزة اتكلم فيها مش حاجة واحدة بس، وأول حاجة عايزة أشكر ربنا على النعمة الذي أنعم عليا بيها، انا استحملت كمية وجع قلب كانت صعبة اوي واحساس اني هخرج والاقي ناس بتعايرني وان هيبقى عليا قضية ده احساس صعب، بس الحمدلله أن ربنا انعم عليا بالبراءة”.
وأضافت: “تاني حاجة أحب اشكر قضاء بلدي العظيم اللي اقتنع بالبراءة بتاعتي وبعدها فرحني بالبراءة، دلوقتي اقدر ارفع راسي قدام الناس وقدام اهلي، وخلاني قاعدة في بيتي وشارعي مرفوعين الرأس واي حد عايز يشتمني في فيديو او كومنت يتفضل”.
حنين حسام توعد متابعيها بـ فيديوهات جديدة.. بشروط
واوضحت: “أنا سعيدة ببراءتي والبراءة ديه بنسبها لأهالي، واحب أشكر اللي انا ل قعدة اتكلم من هنا إلى أخر الدنيا عمري ما هوفيله حقه وبتمنى أن أنا اموت قبله، وعمري ما هلاقي حد أطيب واحن واحسن من أبويا، وأمي احب اشكرها ووجدهم على وش الدنيا هو اللي مخليني عايشة، وصحابي “فادي ولميس” شالوني أكني حته منهم من دعم نفسي وموجودين ديما معايا”.
واستكملت: “أحب أشكر أي شخص دعالي أن أخرج مش شرط في استوري بس بينك وبين نفسك قولت ربنا يفك قربك يا حنين”.
ووجهت خالص الشكر إلى المحامي الذي كان يتولى قضيتها الاستاذ أحمد موسى فهمي شحاته قائلة: “في بينا صلة جيرة وأحب أشكره على أجتهاده معايا وهو كان عارف مين هي حنين وهو اللي مربيني”.