حالة من الجدل أثارها نجم ذا فويس خالد الفايد عبر حسابه الشخصي بموقع التواصل الاجتماعي “فيسبوك”، بسبب منشور خاص بارتداء طفلة لا يتجاوز عمرها 4 أعوام الحجاب.
كتب خالد الفايد عبر حسابه الشخصي بموقع التواصل الاجتماعي “فيسبوك”: “من 5 دقايق بالظبط لقيت بنت صغيرة عندها حوالي 3 أو 4 سنين.. للأسف واقفة وأبوها ملبسها حجاب مغطيها من فوقها لتحتها والبنت فاقدة للبسمة وجمال الطفولة.. هم أحرار يعملوا اللي عايزينه محدش يقدر يفرض عليهم حاجة”.
وتابع: “بس والله منظر البنت متعب نفسيا، بدل ما ياخدها يوديها الملاهي ويخرجها ويضحكها ويلعب معاها ملبسها حجاب من فوقها لتحتها والبنت واقفة باصة في الأرض، وهو لابس بنطلون وقميص وعايش حياته ومنكد على البنوتة الصغيرة وبيستغربوا ليه بناتهم بيطلعوا معقدين نفسيا ومشوهين فكريا؟.. ربنا معاكي يا بنتي والله”.
وبدأت تعليقات الجمهور على المنشور معظمها مهاجمة، كالتالي: “هما حرين يعملوا اللي عايزينه في نفسهم مش في غيرهم، دي حاجة صعب انت تفهمها، لا مش حرين يؤذوا طفلة صغيرة كدة، فيه قانون وفيه قانون حماية طفل، انت عندك شيزوفرينيا ولا إيه مش كان رأيك إن دي خصوصية، بردو وكل واحد حر في حياته ولا انت فاضي ومش لاقي حاجة تقولها، يعني بالمختصر وانت مالك، خليك في حالك، سبحان مبدل البوستات”.