قالت الإعلامية سهير جودة: “فكرة الذكورة عند الرجل متمثلة في ثلاثة أشياء هي؛ هيمنة ومنافسة، ومخاطرة، فمشاهدته للرياضات العنيفة بمثابة مساحة ان يسير مع هذه القيم والتوحد معها”.
وأوضحت سهير خلال برنامجها الذي يحمل اسم “الستات”، والمذاع عبر فضائية “النهار”، قائلة: “وعلى سبيل المثال تعلق الرجل برياضة كرة القدم، هو يشعر خلال متابعتها بالسعادة والبطولة كأنه صاحب الإنجاز، عشان كدة مش لازم الستات تزعل أن الرجالة بتنشغل بالكورة، لأن الكورة هي بتعمله توازن نفسي، حتى لو فريقه مكسبش هي كمان بتعمله علاقة جماعية مع الناس من خلال تبادل الآراء والمناقشات، ودي حياة هو محتاجها، ولازم الستات تفهم ده ومتغضبش وتكره كرة القدم، بل تحاول أنها تشاركه في هوايته”.
واختتمت سهير جودة: “14 منطقة جوة المخ عند الستات بيقدروا يفهموا منها لغة الجسد، لكن الرجالة عندهم 4 مناطق بس، عشان كدة مبيقدروش يفهموا تلميحات الستات ولا لغة الجسد، ودي دراسة بالرنين المغناطيسي، ودرسوا مناطق المسئولة عن الذكاء والإحساس، وكانت النسبة أكبر عند الستات، عشان كدة الستات لازم تطلب الاهتمام من الرجل لأن في نوعية من الرجالة مبتاخدش بالها، هو يقدر يعمل حوار لفظي لكن ميقدرش يفهم الاشارات والتلميحات”.