أوضحت الفنانة سميحة أيوب، سبب رفضها المشاركة في فيلم “تيتة رهيبة”، للنجم محمد هنيدي، مؤكدة أن تفضل العمل بـ المسرح عن السينما.
وقالت سميحة خلال حوارها مع الإعلامية إسعاد يونس ببرنامج “صاحبة السعادة”: “سامح عبد العزيز كلمني بعد ما قعدت 18 سنة بطلت سينما وقولتله انت مين انا معرفكش عرفني بنفسه وقالي انه هو مخرج فيلم الفرح وكبارية بس انا املي هو المسرح واقول اللي الناس محتجاه”.
“بس بعد ما قعدت معاه واتكلمنا وقولتله انا مش هشتغل سينما تاني وسابلي الورق وقالي هسيبهولك وبعد 10 ايام هكلمك المهم قولت لنفسي ليه المكابرة وليه موافقش فكرة فيها ووافقت وكان هذا العمل تيتة رهيبة وكنت مسافرة احضر مهرجان وانا في الطيارة ببص جمبي لاقيت سامح عبد العزيز قالي ايه صدفة اهي خلاص روحت وافقت بقى”.
أبرز تصريحات سميحة أيوب
وعبرت الفنانة سميحة أيوب، عن عشقها الشديد للمسرح، موضحة أنها كانت ترفض العمل بالسينما لأنها من وجهة نظرها أن السينما لم تطرح مواضيع هادفة تفيد الجمهور قديمًا.
وكشفت الفنانة سميحة أيوب، عن الحالة التي انتابت الفنان محمد هنيدي، أثناء كواليس تصوير فيلم “تيتة رهيبة”، خلال مشهد عودتها من السفر من الخارج برفقة كلبيها.
وقالت سميحة خلال حوارها مع الإعلامية إسعاد يونس: “”هنيدي كان قاعد ع كنبة والكلبين جمبه واشتغلنا وعملنا المشهد وخرحنا وسيبنهم مع هنيدي وكان خايف يتنفس كده لانه بيخاف جدا منهم والمدربين اصلا كانو معايا”.
من ناحية أخرى، أعربت سميحة، عن وجهة نظرها في العمل مع المواهب الناشئة في اعمال فنية جديدة، مشيرة إلى عدم معارضتها للأمر.
وأضافت: “المسيرة بتدي نفسها وانتي ماشية على حاجات وبالعكس انتي بتحبي تشتغلي مع الشباب عشان تديهم من خبرتك وتجربتك في التمثيل وتديهم صبر خلال دراسة الدور وانهم ميزهقوش”.