أعربت الفنانة سمية الألفي عن سعادتها بمشاركة ابنة شقيقها في مسلسل “أحلام سعيدة”، للنجمة يسرا، الذي يعرض حاليًا في السباق الرمضاني 2022، مشيرة إلى أنها فوجئت برؤيتها على الشاشة.
وقالت سمية الألفي في مداخلة هاتفية ببرنامج “القاهرة اليوم”، الذي تقدمه الإعلامية مروة صبري: “أنا اتفاجئت، لأن هي مقالتليش أنها هتشارك في المسلسل، وطبعا بقى جيه اول يوم رمضان، وكالعادة كلنا بنتجمع مع بعض وكنا بنفطر عندي في البيت، وفاتحين التلفزيون، وفجأة لاقتها، وأنا الحقيقة كان احساسي ميتوصفش لما شوفتها، هي بنتي ودلوعة العيلة لأنها البنت الوحيدة في العيلة، وكلنا خلفنا صبيان، فبنموت فيها”.
وأردفت: “وأنا اتبسط جدًا، لكذا سبب أولًا وشها حلو قدام الكاميرا، وصادقة ودخلت قلبي كممثلة، وده عملي انبهار الحقيقة،انا مكنتش متخيلة أنها شاطرة كده وموهوبة، فمكنتش مصدقة طبعا من كتر ما هي كل شوية بتكلمني في موضوع التمثيل، وانها عاوزة حلمها يتحقق، وانا بتمنالها كده طبعًا، هي فاجئتني ان حلمها اتحقق”.