تحدثت الإعلامية سالي عبد السلام عن تشويه بعض النساء للمجتمع، وذلك خلال تواجدها في احتفالية Girls space.
وقالت سالي عبد السلام: الرجالة جنبنا غلابة أوي، واللي بيحاول يشوه مجتمعنا أغلبية الستات.
وأضافت: الست اللي دايمًا تبص لست إنها أقل منها عشان متجوزتش، أو عشان مطلقة أو أفقر منها، أو عشان أقل منها جمال، أو الأم اللي معرفتش تربي وهكذا، أو الست اللي تشوفك أنجح منها فتحاول تقلل منك.
وفي سياق أخر، كانت تحدثت سالي عبد السلام عن كواليس تجربتها مع مرض الثعلبة، وذلك من خلال حوارها في برنامج “كلمة أخيرة” مع الإعلامية لميس الحديدي.
قالت سالي: “أنا جاتلي الثعلبة 7 مرات، وأنا فاكرة كل مرة مين اللي خلى التعلبة دي تيجي، وفاكرة كل مرة مين اللي زعلني ونمت مقهورة لأن فعلا اللي بينام زعلان بيموت”.
وأضافت: “يعني أنا قعدت أمثل أن أنا قوية وجسمي رفض يمثل معايا، التعلبة كانت بتروح وتقعد 6 شهور سنة، المرادي كانت لسه خلصانة من رمضان ومفيش أقل من 4 شهور وراحت جت”.
وعن حياتها الزوجية قالت: “أن حد يكمل في الجواز معجزة، أنا بغسل مواعين، وبحضر الغدا وبشوف اللبس وأكوي الهدوم.. وببقى قاعدة قلقانة على كل حاجة، قلقانة أني ملحقش الهوا، وشايلة هم بكرا”.