يروي أحد الاشخاص قصة خلافه وانفصاله عن زوجته وصولا للطلاق، وعلاقته مع فتاة اخرى يحبها.
ويقول الزوج في قصته ما رواها، «انا مطلق ام بناتي من سنة بعض النظر عن مين اللي مخطئ
وقال ان بعد الطلاق بـ6 شهور خطبت بنت بسم الله ماشاء الله ادب واخلاق وجدعنة الدنيا فيها حبتني وحبيتها من قلبي لحد من 15 يوم عرفت ان بنتي الكبيرة عمرها 4 سنين عندها مشاكل في النطق ومحتاجة علاج بسرعة .
زعلت وكل يوم ببكي عليها .. المهم كلمت ام البنات اتطمن عالبنات وفي وسط الكلام اتكلمنا في صلح ورجوع وكل حد فينا اعترف بغلطه .. وحاليا بنفكر في رجوع
انا قسما بالله لما خطبت خطيبتي خطبتها مش في نيتي اني اكيد طليقتي ولا حاجة بالعكس أنا كنت بشارك خطيبتي في كل حاجة وشطبت الشقة علي ذوقها ..
والعفش كمان كنت بسألها علي كل حاجة .. قلبي مفىتور عالبنات خصوصا البنت اللي تعبانة ومن جوايا عاوز ارجع وانسي اللي عدي علشان خاطر البنات .. بس خايف لما اسيب خطيبتي اكون ظالمها
انا بخاف أوي من اني اظلم بالله عليكم انا مش عاوز حد يجىرح فيا
انا عاوز اللي يرد عليا يرد ويقولي انا كدا هبقي ظالم خطيبتي لو سيبتها بالعلم اني لو سيبتها هسيب الدهب ليها بطيب خاطر أدبا ليا وكعوض للكام شهر اللي خطبتها فيهم .
أقسم بالله انا بحبها وأحترمها بس البنات بعدهم عني تاعبني وخلاني افكر بالله عليكم محدش يجرح فيا انا فيا اللي مكفيني».