أعربت الفنانة زينة عن شدة حزنها عن أحداث فلسطين الراهنة، وتأثرها الشديد بفيديوهات أهالي وأطفال غزة.
زينة عن أزمة فلسطين: بتعب نفسيًا ومقدرش أشوف أطفال بيحصل لها حاجة
أكدت زينة على شدة تضامنها مع أهالي فلسطين، وقالت عبر مداخلة هاتفية في برنامج كل يوم والذي يقدمه الإعلامي خالد أبو بكر عبر شاشة قناة ON E: “أما عرفت اللي حصل من حماس لأسرائيل وهجماتهم ضد فلسطين وسافرت لأني بصور فيلم الإسكندراني للأستاذ خالد يوسف 3 أيام كلهم شغل وطبعًا لما بيكون في سفر الواحد بيكون مشغول شوية لما راجعت متابعتش أوي بس لما الناس حكوا لي اللي حصل بدأت أتابع”.
وأضافت: “أنا عمومًا بتعب مقدرش أشوف أطفال وستات بيجرى لهم حاجة، ومقدرش أشوف مشاهد قتل، مقدرش أشوف الحاجات دي لأني بتعب نفسيًا وبيجي لي وبتأثر جدًا وبيجي ضربات قلب وبنفعل مع الأحداث بشكل كبير”.
واختتمت زينة حديثها، قائلًة: “الدكتور قال لي بلاش تتابعي الحاجات دي بس مقدرتش وبصيت، حاجة مش توجع القلب بس بجد حسبي الله ونعم الوكيل اللي هو محدش هيقدر على الناس دي أكتر من ربنا، والناس اللي في فلسطين الله يكون في عونها وقلوبنا وعقولنا معها، الواحد مالوش نفس يعمل أي حاجة، الواحد مالوش نفس يخرج من البيت ولا حتى ياكل ربنا ينقذهم وينصرنا كلنا يارب”.