تحدث أحمد سيد زيزو لاعب منتخب مصر ونادي الزمالك، عن التكنيك الخاص به في تسديد ركلات الترجيح التي تصدى لها أثناء تواجده مع منتخب مصر في بطولة الأمم الإفريقية.
وأكد زيزو خلال تواجده في إحدى البرامج التليفزيونية، على أنه يدرس الحارس الذي سيقوم بوضع ركلة الجزاء قبل يوم المباراة.
تصريحات زيزو
وقال زيزو ” أنا بدرس الحارس اللي هدخل أشوط فيه، فحارس كوت ديفوار كان فصير عشان كده حطتهاله عالية وقوية، وهو مكانش حارس قوي أوي”.
وأضاف ” حارس الكاميرون كان بيتحرك بدري عشان كده حطتها بالطريقة دي”.
وأكمل ” أما عن ركلة جزاء السنغال فدي كانت الأصعب بالنسبالي بسبب إن ميندي مالهوش تكنيك معين في تصدياته لركلات الترجيح، فهو طويل وبيتحرك على المرمى عشان كده مكانش قدامي حل غير إني أحطهاله عالية وقوية”.
وقال زيزو ” أنا شايف إن مصطفى عمل كل اللي مطلوب منه، كيروش كان بيطلب منه حاجات في التمرين واللاعب كان بيعملها نموذج في المباريات”.
وأضاف ” مصطفى محمد هو اللي كان بيختار لنا الأغاني في المنتخب، بس ذوقه في الأغاني مش حلو لأنه كان بيختار أغاني مش مناسبة للوقت اللي بنكون فيه”.