كتبت-منة حسين
بعد عرض الحلقة الاول من مسلسل” لازم أعيش ” روت المطربة ناريمان زوجة الفنان ” رامي جمال” تجربتها مع إصابة زوجها الفنان رامي جمال بمرض البهاق والذي تقوم ببطولة حكايته الحالية “لازم أعيش” الفنانة جميلة عوض والتي تعرض قصة بنت مصابة بنفس المرض
وشاركت ناريمان جمهورها هذة التجربة من خلال ونشرت عبر حسابها على Instagram صورة لجميلة عوض من المسلسل
وكتبت معلقة عليها: “حبيت أوي فكرة القصةدي وإننا ابتدينا يبقى عندنا وعي لمناقشة الانواع دى من الدراما وتقديمها بالشكل دا واد ايه دا ممكن يوعى الناس بالنوع دا من الامراض اللى بتبقى عبء نفسى على صاحبها و اد ايه اللى حواليه ممكن يوصلوه لأنه يكره نفسه او انه يحبها ويتقبلها ودا دور الناس اللى حواليه ودور المجتمع فى تقديم دراما تفهم الناس
وصرحت زوجة رامي جمال: “بعد ما رامى اعلن عن مرضه بالبهاق جالى مسجات كتبر جدا من بنات سواء هى عندها المرض او زوجها او خطيبها وكانت بتسألنى مفروض اتعامل ازاى وبصراحة كنت بستغرب جدا ان لحد دلوقتى معندناش وعى كافي ا
واضافت ناريمان: “وعلشان كدا مبسوطة اننا الفترة الجاية هنقدر نقدم النوع دا من الدراما للناس اللى معندهاش وعى كافى ازاى انت فى المجتمع ممكن تبقى مؤثر على اللى حواليك بطريقة غلط من غير ما تحس فى طريقة التعامل عموما و انى كإنسان واجب عليا مكونش عبء او سبب فى جرح اى شخص بطريقة او بأخرى حتى لو الشخص دا مختلف عنى كل الاختلاف ♥️