كشف زكي فطين عبدالوهاب نجل الفنانة الراحلة ليلى مراد، عن ذكريات الطفولة الخاصة به مع والدته الراحلة.
وقال في منشور نشره تحت عنوان “الحنين الى الماضى .. ممكن تبقى ذكريات مؤلمه” عبر حسابة الخاص بـ”فيسبوك”: قائلاً: “تذكر سنة ١٩٧٣ وقبل حرب اكتوبر بشهور قليله .. امى قررت بيع الشقة .. او بالاصح بيع الفيلا اللى كنا عايشين فيها فى جاردن سيتى .. ١٦ شارع البرجاس”.
وتابع: “بقول “فيلا” لأن مساحتها كانت تزيد عن ٤٠٠ متر .. وتوجد حديقه صغيره بالمبنى .. الفيلا كانت مكونه من ٣ طوابق .. كل طابق شقه ..شقة الدور الاول كان يسكنها الطيار الحربى “جمال عفيفى” التابع لمجلس قيادة الثوره .. وشقتنا فى الدور التانى وكانت ملك ” ال صيدناوى” .. اصحاب المحلات الشهيره فى ذلك الوقت .. والدور التالت كان يسكنه مسئول كبير فى السفاره الامريكيه”.
وأضاف: “امى باعت الشقة دى لاحتياجها الى الفلوس .. لأنها كانت معتزله .. ومفيش اى ايراد .. لكنى تألمت وحزنت كل الحزن لأنى كنت باعشق هذا المكان .. this was home .. where i belong ..وذكريات طفولتى ومراهقتى كلها كانت فيه .. وتعلمت يومها يعنى ايه انك تفقد جذورك” your roots” .. هو ده الكابوس .