كانت الفنانة ريهام عبد الغفور ضيفة الإعلامي عبد العزيز أحمد في برنامج “مساء الإمارات” ، الذي يتم عرضه عبر شاشة قناة “الظفرة”، وتحدثت خلال الحلقة عن شدة حبها للسينما،معلقة أنها كانت تتمنى أن يكون لها تاريخ أكبر في الاعمال السينمائية.
وقالت ريهام عبدالغفور : “أنا بحب السينما أوي ومجاليش فرص مهمة أوي فرصي اللي كنت مبسوطة بيها مكنتش كتير، وكان نفسي يبقى ليا دور وتاريخ أكبر في السينما”.
وأضافت: “بحمد ربنا أن دلوقتي غير زمان أول ما ابتديت، المسلسلات دلوقتي بتبقى على مستوى وإنتاج عالي ومعمولة حلو وعلى نظام سينما وبتعيش والحمد لله ربنا عوض”.
واختتمت ريهام عبدالغفور حديثها: “موسم رمضان لسه مهم بس مش زي 5 سنين فاتوا، دلوقتي في حاجات خارج الموسم بتنجح، زي تجربتي السنة دي في وش وضهر ومنعطف خطر، والاتنين عجبوا الناس وأنا كنت بتشغل من غير ضغط”.
مسلسل وش وضهر
تم عرض مسلسل وش وضهر لريهام عبد الغفور مؤخرا على منصة “شاهد vip”، وكان قد انطلق عرضه يوم 27 يونيو الماضي، وتدور أحداث المسلسل حول في إطار اجتماعي تشويقي، والعمل من إخراج مريم أبو عوف، وتأليف ورشة سرد، وسيناريو وحوار أحمد بدوي وشادي عبد الله.