نشرت الإعلامية ريهام سعيد بوست توضح من خلاله ظهورها مع أم نور، واستعرضت به قصتها الحقيقية، عبر حسابها الرسمي بموقع التواصل الاجتماعي “فيسبوك”.
وكتبت ريهام سعيد:”قصة أم نور اللي بتطبخ في أوضة النوم!..أم نور امرأة مصرية طيبة وبسيطة.. وفي يوم زي أي أسرة اتخانقت مع إخواتها فقررت تغير جو وتشغل أغاني وهي بتطبخ.. وبالصدفة أختها صورتها وحاطت الفيديو على التيك توك من وراها”.
وشوقت ريهام جمهورها لمتابعة حلقتها ومعرفة القصة الكاملة:”وحصلت المفاجأة ولاقت رواج وانتشار رهيب وعرفت إن ده ممكن يكون سبب في إنها تبسط وتسعد الناس وكمان يدخلها فلوس فقررت تكمل بسبب ظروفها القاسية.. اتفرجوا النهاردة على حلقة ممتعة جدا ومشوقة من #صبايا_الخير على شاشة #النهار الساعة 9:30 م”.
وكانت قد تداولت مجموعة صور للإعلامية ريهام سعيد عبر السوشيال ميديا وكانت في حالة من الاستياء والغضب بعد ظهورها مع أم نور صاحبة فيديوهات الطبخ من غرفة النوم.
وظهرت في الصور وكانت تحمل احدى الاكلات التي تصنعها ام نور.
وجاءت التعليقات من رواد السوشيال ميديا كالتالي: “ريهام_سعيد_ام_نور..راحت صورت مع ام نور واكلت الكفته هي وكل الكاست بتاعها… وبتقولكم محدش يحكم ع الحلقه غير لما تشوفها علشان ام نور هتحكي قصتها الحزينه يوم الاثنين في صبايا الخير وابو نور بيقولها صوري المخده لاحسن بيقولوا اننا بناكل وبنمسح فالمخده.. المستفاد من الفيديو حاجتين ..ان نور طلع ولد مش بنا.. وان ريهام سعيد مفلسه اعلاميا”.