تصدرت الفنانة ريم مصطفى مؤشرات البحث، وأصبحت حديث السوشيال ميديا في الفترة الأخيرة بسبب تصريحاتها في حلقة أمس ببرنامج كلمة أخيرة المذاع على فضائية ON وتقدمه الإعلامية لميس الحديدي.
وأكدت أن لديها حدودًا في الأدوار التي تؤديها، وتطرقت عن دورها في فيلم «ولاد رزق 2»: «كان لي دور صغير كضيفة شرف وفتاة ليل، والدور كان به جزء جريء ومشهد رقص، وقبل التعاقد على الفيلم ناقشت مع المخرج طارق العريان كيفية تنفيذ ذلك المشهد».
وأضافت: أهم شيء بالنسبة لي عدم تقديم دور يشعر أولادي أو أهلي بالخجل وهم يشاهدونني مضافة: «دي أكتر حاجة بتكون فارقة معايا».
ريم مصطفى: أنا مش كيوت أنا مطلقة وعندي والدين
أجابت الفنانة ريم مصطفى على سؤال الإعلامية لميس الحديدي، عن كونها فتاة جميلة ولكن تبقى عزباء: «معقولة كل الجمال ده والشطارة في المطبخ ومافيش راجل لحد الآن؟«، قائلة: «لا مافيش في الوقت الحالي لكن ممكن يبقى فيه بكره وأكيد كان فيه حب سابق محدش منا غير ما مر بده».
وتابعت: «المشكلة أنهم يعتقدوا أن علاقات الحب بسيطة وبياخدوها ببساطة شديدة وعشان كده أي واحد وواحدة في علاقة لازم يعرفوا وهما بياخدوا القرارات إزاي فيه ناس بتبقى عاوزة تتجوز وخلاص وبعد كده يحصل الصدام وينتج عنه طلاق كتير وده بنشوفه في علاقات كتيرة حوالينا».
وكشفت مصطفى عن مفاجأة من العيار الثقيل قائلة: «أول مرة بقول كدة على الهواء مباشرة أنا مطلقة وكنت متزوجة وعندي ولدين عمر وعلي».
وعن تجربة الزواج قالت: «تزوجت صغيرة جداً في عمر كنت حوالي 19 سنة وكانت من أهم التجارب في حياتي وتعلمت منها أن أهم شيء كيف نختار شريك الحياة ؟ ومن حسن حظي أن زوجي محترم وابن ناس وراقي والطلاق كان بسبب أننا مختلفين عن بعض مش عشان حاجة تانية ومش لازم الطلاق يعني أننا نفرج الناس علينا ونروح محاكم وابو ولادي بتربطني بيه علاقة صداقة واحترام».
وقالت ريم خلال حوارها مع الإعلامية ريم مصطفى ببرنامج “كلمة أخيرة”: “الرجالة تاني أسوأ حاجة بعد الدايت، بس مبكرهمش، والله دمهم تقيل”.
وأضافت: “أنا حاسة اننا كائنات مختلفة جدًا اتحطوا في كوكب ومضطرين يتعاملوا مع بعض، فبيحصل تصادم”.
وتابعت: “بحس أن اكتر حاجة مهمة ما بين الراجل والست انهم يحترموا خلافاتهم”.