وطلّق مطرب المهرجانات حسن شاكوش زوجته ريم طارق غيابيا، بعدما حررت محاميته محضرا بقسم شرطة أكتوبر أول أثبتت فيه انتهاء صلة موكلها وريم طارق كزوجين، بتطليقه لها غيابيا.
ووصلت محامية حسن شاكوش إلى قسم شرطة أول أكتوبر، اليوم الأحد، وطلبت إثبات الحالة بطلاق موكلها لريم طارق غيابيًا بتاريخ 13 يوليو الجاري.
تلقى مأمور قسم أول أكتوبر بلاغا من محامية، تدعى سامية على، موكلة حسن شاكوش، المقيم بدائرة القسم، وأفادت بطلاق موكلها لريم طارق غيابيا، وطلبت إثبات الحالة، وتم تحرير محضر، وإخطار النيابة العامة.
اتهامات متبادلة بين حسن شاكوش وريم طارق
كانت قد فجّرت ريم طارق، زوجة مغني المهرجانات حسن شاكوش، فضائح بالجملة بحقه، متهمةً إياه باستغلال القاصرات.
وقالت ريم، في فيديو عبر حساب افتتحته أخيراً على تطبيق “إنستجرام”: “لو طلّقتني عرّفني، عشان أقول للناس السبب اللي خلاك تخطبني وتقول عايز بنت الجيران اللي مابتسيبش فرض.. اللي سجدت شكر لله.. أنا كنت متجوزة قبله في نوفمبر 2020 وانفصلت في فبراير 2022، وهو سأل عليا قبل الجواز وغنّى في فرحي القديم”.
وأضافت: “لو سمحت أنا هدومي الشخصية عندك بتحتفظ بيها ليه؟ إنت ليه عايش في جو المؤامرة دا إنت مش محتاج، أنا كنت مُغفّلة، الحاجات كتير أوي ماتخصنيش، اللي يخصني إنك قولت إمبارح إحنا بنحافظ على ولاد الناس وقولت حاجات وأنا سكت، إنت ليه معترض إنك تدّيني حاجتي اللي عندك محتفظ بيها ليه؟”.
وأضافت: “سبب إني فتحت الأكونت دا إني أعرف أرد عليه، وأول ما الموضوع يخلص هقفل الأكونت، مش محتاجة شهرة ما أنا ممكن أتصور واتشهر، لكن لقب مرات المطرب دا عبء عليا، أتاري الناس عندها نظر أنا مكنتش عارفة.. ركّز في اللي إنت بتعمله عشان عيب، إنت المفروض جيت وقعدت معايا في بيتنا، وأنا عملت لك كل حاجة، قلبت لي مجنون حاولت أعالجك، أنا مقصرتش معاك في حاجة وعمري ما كنت أستوعب الغدر”.
سرقة وتبديد منقولات الزوجية
وكانت زوجة حسن شاكوش مثلت أمام جهات التحقيق للاستماع إلى أقوالها في البلاغ المقدم من زوجها يتهمها فيه بالإدلاء ببيانات كاذبة وسرقة أموال من شقة الزوجية ونفت كافة الاتهامات الموجهة اليها مؤكدة أن زوجها هو من طردها من منزل الزوجية واستولى على قائمة منقولاتها وايصال أمانة مقابل مؤخر الصداق، الذي قدر بـ نص مليون جنيه.
وعقب الاستماع لأقوالها وجهت النيابة لزوجة حسن شاكوش تهمتي الإدلاء ببيانات كاذبة للمأذون وسرقة مبلغ نصف مليون جنيه ومن المقرر استدعاء مطرب المهرجانات للاستماع إلى أقواله في البلاغ المقدم منه ضد زوجته بعدما اتهمته ريم بالتورط مع المأذون في تزوير قسيمة زواجهما.
كانت الشرطة تلقت إخطارا، يفيد بحضور ريم طارق -28 سنة – ربة منزل ومقيمة داخل كمبوند شهير إلى القسم لتضررها من زوجها حسن منصور وشهرته “حسن شاكوش” لطردها من منزل الزوجية منذ أيام والاستيلاء على المنقولات الزوجية وشبكتها وإيصال أمانة لصالحها بديل مؤخر الصداق.