عبرت الفنانة روجينا عن فخرها بوقوف زوجها نقيب الممثلين أشرف زكي بجانب الفنانين في أزمتهم، وذلك عبر حسابها الشخصي علي موقع التواصل الاجتماعي إنستجرام.
وكتبت روجينا علي الانستجرام، قائلة: ” ما أنا كنت صغيرة ومش فاهمة وبحبة وأنانية وعايزاه جنبى باستمرار وكانت كل مشكلنا أول الجواز أنت بتفضل النقابة عليا يعنى ممكن يلغى معاد مهم ليا عشان رايح مستشفى أو بيحل مشكلة فى تصوير أو فيه واجب عزا لغاية ما ربنا حب يعلمني أو يادبني أو يربيني ما هو تربيته أعظم تربية”.
وأضافت روجينا: ” “يحصلى حادثة موت وأقعد في المستشفى أربعين يوم ماهونش عليا غير أهلى والناس وزمايلي ووقفهم جنبي مكنش فيه حاجة اسمها وقت زيارة الناس على طول موجودة والله على جبر الخاطر والناس بتطبط عليك وأنت فى أشد الاحتياج لدا الناس دي ماكنش بتجيلي أنا كانت بتيجي لأشرف لأنها كانت بترد اللى بيعمله معاهم لأن هو كل سعادته فى الدنيا وهو بيساعد حد وهو واقف جنب حد وهو بيواسي حد وهو بيحل مشكلة لحد وعمره مافرق بين كبير وصغير”.
وأكملت روجينا: ” من ساعة الدرس دا اتعلمت أن فيه حد فى الدنيا يبقى هو الأمان السند هو دا اللى هكلمة اول مايحصلى حاجة دا نقيبي أشرف ذكي واتعلمت كمان أن بيعملوا أشرف جوزي هيترد ليا أنا وبناته وهيبقى في ميزان حسناتك هعيش أنا وبناتك فخورين بيك ياحبيبى ربنا يحفظك لنا ويديك الصحة وطولة العمر”.