استضافت الإعلامية إسعاد يونس الفنانة الشابة “رنا رئيس” وكشفت الكثير من الأسرار في حياتها، وعن بدايتها، ومعاناتها مع والدتها بسبب اعتراضها على ان ابنتها تدخل عالم التمثيل.
رنا رئيس تتحدث عن كواليس دخولها عالم الفن
وصرحت خلال حوارها في برنامج صاحبة السعادة قائلة: “أنا عشوائية جدا يعني مثلا دلوقتي وانا جاية كان حلم حياتي ان ابقى مع حضرتك وحاجة نفسي فيها اوي وكنت بقولهم انا مرتبة وعاملة ترتباتي ولاقيتهم فجأوني وبنت خالتي هي اللي عملتلي كل حاجة”.
وأشارت ان بدايتها كانت سنة 2017، قائلة: “وبدءت 2017 مامتي كانت رافضة تماما وكانت البداية صدفة اختي كانت شغالة مساعدة مخرج وكان في دور صغير جدا وهي اللي خدتني”.
واردفت قائلة: “اول مرة عملت كاستك ماما مكنتش موافق وطلعتلي القطط الفطسانة في الدور ولا المشهد ده مش عجبني وده بلاش منه”.
رنا رئيس تكشف كواليس مشاركتها في نصيبي وقسمتك الجزء 2
وأضافت قائلة: “كنت اول مسلسل كان احمد عمر المخرج المنفذ وهو هو المخرج في نصيبي وقسمتي وهو اللي كلمني، و مامتي عدوة الميكاب مع انها شغلتها وبتقولي قدام الكاميرا امسحي وشك وادخلي”.
رنا رئيس عن دورها في كلبش 2
وأوضحت قائلة: “كان استاذ بيتر ميمي هو اللي كلمني وكنت نايمة مش عارفة مين بيكلمني ولما فوقت قولتله الو دكتور بيتر ميمي قالي محتاجك في مشهد، وكل ناس بتقولي ريكا ودكتور بيتر قالي هطلعك بالاسم اللي بتحبيه وشخصية ريكا”.